وصفة الحب

XII

          _تلفت لعندها كيشوف فيها وهي باش تحشم واالو

أوس:شفتي فين وصلتي راسك بهاد الطرطية اللي فيك،عاطبة راسك وعاطباني معاك؟؟

سلمى:وشكون گال ليك كالي عليا؟!نتا اللي كتطير باغي تبان فيها بطل

أوس(تحرك بالطوموبل):ايييه سري أنا اللي شاعلة فيا العافية ومكندخلش سوق راسي

سلمى(حدرات راسها):شكرا

أوس(دار عندها مصدوم):شنو شنو؟؟

سلمى:گلت لييك شكرا

أوس:نتي كتگولي شكرا؟؟

سلمى:هاهي ساكتة راك باقي غادي تسمعها

أوس:لا لا ماتسكتيش،فكرتي فهضرتي؟؟

سلمى:فكرت وگلت لك أنا معاااااقدة من الزواج

أوس:جربي مخاسرة والو وأنا باغيك فالحلال راني كنطل على 40 ماشي برهوش

سلمى:بغيتيني قصد الدار،أنا مااعنديش مع هاد الدوران الخاوي

أوس:ايه ماگلتي عيب الله يسخر ليك

سلمى:أميين.[قالت مع راسها:كلهم فحال فحال غير يوصلوا للمعقول يتقلبوا]

أوس(شافها سكتات):اش كتخبري فداك الراس؟

سلمى:حتى راسي تدخل فيه؟؟

أوس:لهلاا يوريك اش من راس غادي ندخل

سلمى:تفوو على ماسخ كيداير صوگ صوگ وباراكة من الهضرة ضريتيني فيدي

أوس:اش جاب شي لشي

سلمى:جاب ودابا شوف گدامك وسكتنا.

_مابقاش زاد معاها الهضرة كمل الطريق حتى وصلوا للدار وهبطات وهو تابعها حتى دخلوا للدار،كان كلشي مهول عليهم غير دخلوا مشاو عندهم نيشان

راضية:الله يابنتي،لا لا هادي غير شي عوينة وصابتك

سلمى(تلفتات لعند أوس):وا عوييينة نيت الله يعميها

ياسمين:ختي شويا ياكما كتضرك؟؟

سلمى:لا لا غادي تهرني ويلييي

ليلى:راه غير فدعة حبسي من التبوحيط

عبد الرحمان:بعدوا من البنت خليوها ترتاح.

_طلعات للبيت بدلات حوايجها فحين أوس اللي كان جمع مو وباه وحتى ليلى وياسمين وياسين فالصالة،علمهم بلي نوا الزواج وغادي يهضر مع والدين سلمى يضربوا العقد مع ليلى وقصي ولكن هادشي مايكونش فخبارها،كلشي فرح وغير بانت ليهم هابطة من الدروج وهوما يقطعوا الحس،شكات ودخلات حداهم،دغيا قلبوا ليها الهضرة وكملوا فتجهيزات العرس.حتى كتنوض ليلى اللي كان تيليفونها كيصوني،ناضت من حداهم وهي تجاوب
                    ___________________