شلون أبأمنك وأنت صيدٍ ينهش الحنايا؟

Part2

قصر آل هِزّاع

بدأ يومنا بهدوء بين جدران القصر مع جميلتنا رهِاف صحيت على صوت الخدام وهي تدق الباب ماكان مزاجها رايق بدون سبب واضح قامت من سريرها وتوجهت للحمام خذت شاور سريع وطلعت وهي تلف الروب القصير حولها تنشف شعرها بهدوء والمرآه قدامها تعكس ملامحها الخياليه اللي حتى الصبح مايقدر يخبّي جمالها

جلست على الكرسي الصغير بدأت تحط لمساتها الخفيفه كحل بسيط لمعة خفيفة على الخد وعطرها الخاص اللي كل ما مرّت أحد قال: "وش هالعطر؟"
بس هو ما ينقال لأنه لها وبس لبست البدلة الرمادي الفاتح كعبها العالي من سان لوران صوتها على الأرض وهو يمشي معها والاكسسوارات كانت من ذهب فان كليف وكارتير تفاصيلها دايم تشهد إنها بنت ذوق وثقل

وهي تتأمل نفسها بالمراية آخر مره انقطع صمت المكان بطرق على الباب وبدون إذن دخلت العامله رهِاف التفتت لها بهدوء وهي ترفع حاجبها تداعب خصله من شعرها:

قالت بنبرة واثقه: ماسمحت لك تدخلين

ردت العامله وهي تناظر الأرض: اعتذر مس رهِاف، ستاذ سعود طالبك تنزلين تحت

ما ردت بس هزّت راسها بخفة وطلعت.

نزلت الدرج
خطواتها محسوبه وثابته ترف ودلع وكل عيون القصر تتبعها شافت أبوها سعود جالس على طاولة
الفطور ابتسمت وهي تروح له وتبوس راسه بحب

قالت بنعومة واضحة: صباح الخير بابا

ابتسم سعود وهو يناظرها : هلا بابا حبيبتي تأخرتي علي

ردت وهي تجلس مقابله: سوري بابا بس كلاسي اليوم متأخر شوي قلت أصحى على راحتي

ضحك سعود وهو يهز رأسه: ولا يهمك يا روفي

سحب كوب القهوة وناظرها وهو يتأملها

قالت بعد لحظة صمت
وهي تمد يدها تبوس راسه: تمام بابا على موعدنا اليوم على العشاء؟

هز راسه بابتسامة خفيفة: أكيد بابا، أنا ناطر هالعشاء من أمس

-

فوق في الجناح نادت بصوت عالي يغلب عليه الدلال: داريااا!

دخلت الخدامه تركض: نعم مس رهِاف؟

رهِاف بنفَس متضايق: وينك أناديك من بدري؟

ردت داريا بتوتر: آسفه مس رهِاف كنت...

قاطعتها وهي تمشي: جيبي شنطتي ونظاراتي بسرعه

دقايق وجت داريا معها شنطتها ونظاراتها أخذتهم رهِاف وهي تلبس عبايتها الأنيقه وتحط الطرحه بشكل فوضوي مرتب طلعت من الجناح والسايق ينتظرها عند الباب.

قالت بنبرة عصبيه: ماقالوا لك بروح بسيارتي اليوم؟

السايق بتوتر: بس مس رهِاف أستاذ سعود...