وصفة الحب

XI

           _صبح صباح جديد،مريم اللي كانت كتحس بعضامها كيضروها غير سمعات الصوت عرفاتهم فاقوا،ناضت طرفات حالتها وهبطات عندهم لقاتهم گالسين كيتسناو عبد الرحمان باش يفطروا

مريم:صباح الخير

راضية:صباح النور أبنتي،نعستي مزيان؟؟

مريم:أه الحمد لله.

-گلسات معاهم،أما سلمى غير كتخنزر فأوس وهو يفرنس معاها،ليلى كتشاطي مع قصي وتبتاسم،أما العشاق ديالنا راه باقين غير فالنضرات،بقاو هكاك حتى جا عبد الرحمان وفطروا مجموعين فجَوْ عامر بالضحك والنشاط،حتى مريم صبحات راشقة ليها وغير كتضحك،حتى نطقات سلمى

سلمى(كتنفض يديها):وا جمع عينيك راه الموت كتدور

راضية:هههه أويلي واش تشيرتي؟معامن كتدوي؟؟

سلمى:أودي أراضية دارك ولاو فيها الجنون وغير اليهود،بداي تطلقي سورة البقرة راه كتجري عليهم

راضية(عايقة بالبلان):إيوا أبنتي ديري النية لايسلموا على يديك ماتعرفي

سلمى:راضية كيبان ليا نمشي فحالي لا؟!

أوس:لا

سلمى(كتخنزر فيه):نعام؟!

عبد الرحمان:گلسي أبنتي ماعندك فين تمشي،وعاد باغي نوريك شي حاجة غادي تعجبك

سلمى:فين؟؟

عبد الرحمان:خاصك الصبر أبنتي،الصبر.{ناض وتبعوه الدراري وقبل مايخرجوا رجع أوس يجيب تيليفونو حتى سمع هاديك اش كتقول}

سلمى:دابا أراضية ايلا تزوجت ولدك مانضيعش زعما؟؟

راضية:ههه أويلي ولدي يتهلا فيك الطميميعة ههههه

ياسمين:وا مافهمتيش أخالتي ههه راها كتدوي على الفراش قليلة الحيا ههههه

راضية:هههه إيوا عنداك غير ماتقديش عليه وتصبحي مقاداش تجمعي رجليك

سلمى:وا غير فرضية أما شكون يتزوج داك المصعور عندك

راضية:نتي إن شاء الله هههه

سلمى:صمت حتى صمت ونفطر على بصلة ههه قاليك عمرو ماحبى نهار حبى طاح فالبير هههه

راضية:هههه ماتخافيش هو غيعلمك تتمشاي نيشان بلا حبُو ههه

سلمى:مابغيتش نجرح ليك المشاعر ولكن راه كيبان مافيدوش عندو قد الفار

راضية(ناضت كتقرصها):ياك ابنت الحرام. [بقات راجعة باللور حتى تزدح ضهرها مع صدرو والمعلم كينغزها كتحس بيه قاصح]

أوس(تحنا لودنيها):هادشي غير جيتي فيه وقاصح واتخايلي نگعدو معاك،وشتي دابا غير زدت حطيتك فبالي وقبل مايدور الشهر غادي نصبح بيك وإيلا مادرتهاش فين ماتشوفي هاد الفيگورة دفلي عليها،أنا اللي غنقاد لبنتي هاد اللسان السليط وهداك اللي قد الفار يحييك الله حتى تعبريه بفمك إيلا ماوحلهاش ليك،وعد حر من عند الدكالي ومن عند الدولة، نتي اللي بديتي اللعب وأنا غادي نختموا فليلتك غير وجدي ليا راسك