شلون أبأمنك وأنت صيدٍ ينهش الحنايا؟

تعريف الشخصيات

عبدالمحسن آل هِزّاع (متوفي)
كبير ال هِزّاع هيبته تسبق خطوته عاش بكرامته ومات والدنيا تشهد له
خلّف ثلاثة من صلبه
ناصر بن عبدالمحسن آل هِزّاع
سعود بن عبدالمحسن ال هِزّاع
وبنت نعرفها قدام
وكلٍّ منهم راح بطريق مختلف وكأنهم من عالمين ما يتقابلون

ناصر بن عبدالمحسن آل هِزّاع
الولد اللي طاح بالحب ووقف بوجه أهله تزوج من برا القبيلة وجاب من زوجته الأولى

فيصل بن ناصر
الولد الأكبر ضايع ما يعرف معنى المسؤولية متزوج همه نفسه واللي يمشي معه ودايم ماشي ورا أبوه بدون وعي

راكان بن ناصر
ثلاثيني
دكتور
بدوي كلامه قليل بس إذا نطق يوقف اللي حوله يسمعون كأنه صوت نابع من وجع عميق نظرته حادة لكنها ما تجرح فيها حنية مخفية ما تطلع إلا نادر في وجهه حزن رجال ذاق الفقد والخذلان وكأن الزمن جرّعه مية كاس وما انكسر

قاسي من برّا بس طيبته مدفونة تحت رماد سنين تمنى فيها حضن أمه أو كلمة من أبوه عاش طول عمره يسأل عن أخته اللي ما شافها ولا يعرف عنها غير اسمها وها الحين جا الدور يلقى شادن ويصير مسؤول عنها وشي ما كان بالحسبان يصير إن قلبه يميل ويشقى فيه

ساير بن ناصر
هادئ، مستقّل وله عالمه ما له شغل بالخلافات عايش بطريقته

وروح بريئة غادرت إلى السماء حين ولادتها

وبعدها تزوج غصب من بنت عمه وخلّف منها

شادن بنت ناصر
صاحبة الـ 24
جميلة واثقة ما سمحت لغياب أبوها يكسرها تربّت وسط عمّها سعود وبنت عمها رهِاف وحين قرب زواجها صار كل شي حولها يهتز

لكن ما طول هجّ وترك أهله وبنته وراء ظهره وانقطعت أخباره سنين

سعود بن عبدالمحسن آل هِزّاع
عاش بظل أخوه ومرّ بدروب سوداء غسيل أموال دم وثارات قديمة
بس رغم سواده قلبه واحد: بنته رهِاف حياته كلها مستعد يضرب الدنيا عشانها وهي نجمته الوحيدة بهالظلام

فهد بن راجح آل وبران
الرجّال اللي رجع من الماضي جاي ينتقم من آل هِزّاع حاقد على سعود بسبب دم قديم ... كل شي بدا يتغيّر تصير له احداث ... خاصه مع ريفان

رهِاف ف بنت سعود آل هِزّاع
العمر : 20

ما هي بس بنت شيخ... هذي بنت سعود ال هِزّاع، الرجل اللي اسمه لحاله يكفي يهز المجالس
بنت ما تنوصف بكلمة "جميلة"،لأنها تعدّت الجمال...
شعرها يوصل لنص ظهرها لونه اسود مثل ليلٍ ما طلّع فجره
عيونها؟ زُرُق تميل للبحر فيها صفا ما ينشاف بس يغرقك كأنها تقول: "لا تجرّب تقرّب تراك ما بتقدر تنساني"
صوتها ناعم لكن فيه نبرة ما تعرف الخضوع كلامها قليل وكل كلمه تطلع منها محسوبه ما تضحك لأي أحد ولا تعطي وجه وإذا قالت كلمة فـ هي يا سيف يا طعنة.
هيبة تمشي بين الناس بثوب سكوت وغنى مطرّز بالعز ما تهمها نظرة أحد ولا يشغلها كلامٍ ما يسوى
كبرت وسط ذهب وسكنت قصر ما تعرف وش هو الحرمان كانت تعرف قدرها وتعرف وش يعني اسم آل هِزّاع