#Unicode
မင်းသား Yeon Woo လာတွေ့တာကြောင့် ဂျယ်ဟန် တအံ့တသြဖြစ်နေရသည် ။ မင်းသားက အမြဲတမ်း တစ်သီးတစ်သန့်နေခဲ့ပြီး ဂျယ်ဟန်တို့ကို ဆေးဖော်ကြောဖက်လုပ်သည်မဟုတ်။အခုလို တကူးတကလာတွေ့သည်မို့ တစ်ခုခုရှိတာသေချာသည် ။
"ကိစ္စရှိလို့လားမင်းသား..."
"ဆိုပါတော့...Jeon Jungkook နဲ့ အရှင်သခင့်ရဲ့အခြေအနေကို မင်းလည်းသိတယ်မဟုတ်လား"
မသိချင်မှအဆုံးပင် ။ Jeon Jungkook က အရှင်သခင်အရေးပေးထားတဲ့ ကိုယ်လုပ်တော်တင်မက ၊ အရှင်သခင် ချစ်မြတ်နိုးတဲ့ ယောက်ျားတစ်ယောက်ပါဖြစ်နေလေပြီ ။ ဒီ့ထက်ခြေတစ်လှမ်းတိုးလိုက်လျှင် အရှင်သခင့်ရဲ့ တရားဝင်ကြင်ယာတော်ဖြစ်လာလိမ့်မည်မှာ မလွဲမသွေပင် ။
"မင်းသား ဘာကိုအဓိကပြောချင်တာလဲ"
"Jeon Jungkookက တရားဝင်ကြင်ယာတော်ဖြစ်ချင်တာမဟုတ်ဘူး ။ သူက လွတ်လပ်ခွင့်ပဲလိုချင်တာ..."
"ဟမ်..."
"သူက အကြံဉာဏ်ရှိတယ်လေ... အရှင်သခင်နဲ့ကလေးတစ်ယောက်ရပြီး တခြားလိုအပ်တာတွေရရင် ဒီကနေသူထွက်သွားမှာပဲ..."
ဂျယ်ဟန် နားမလည်။မင်းသားက ဘာကိစ္စကြောင့်နဲ့ဒီအကြောင်းအရာတွေကိုထုတ်ပြောနေရတာလဲ ။ မင်းသားရဲ့ရည်ရွယ်ချက်ကဘာဖြစ််နိုင်မလဲ ။
"ငါ ဘာကြောင့်ဒါတွေကိုပြောနေရတယ်လို့ထင်လဲ... မင်းကူညီနိုင်လို့သာပြောပြတာ..."
"ကျွန်တော်ကဘာကိုကူညီရမှာလဲမင်းသား..."
"အရှင်သခင်သာ ကလေးမွေးဖွားတဲ့သူဖြစ်မယ်ဆိုရင် ဒီတိုင်းပြည်ကိုအုပ်ချုပ်ဖို့ခက်ခဲလာတော့မှာ... အဲ့ဒီကြားထဲ တရားဝင်ကြင်ယာတော်ကပါ နန်းတွင်းကနေ ရုန်းထွက်မယ်ဆိုရင် သေချာပေါက်ကျရှုံးပြီး နန်းကျပြီပဲ....အဲ့ဒီအချိန်မှာမင်းရဲ့အဖေကသာ မင်းကိုထောက်ခံပေးလိုက်ရင် မင်းကအရှင်သခင်ဖြစ်လာနိုင်တယ်..."
ဂျယ်ဟန်အံ့သြလို့ပင်မဆုံးနိုင်တော့ပေ။ အမြဲတမ်း တိတ်ဆိတ်ပြီးအေးချမ်းတယ်လို့ထင်ရတဲ့မင်းသားမှာ ဘယ်လိုအကြံအစည်တွေနဲ့ ပြည့်နှက်နေခဲ့တာလဲ ။အရှင်သခင့်ကို နန်းချပစ်ဖို့အထိပါ တွေးတောခဲ့တာလား။
YOU ARE READING
My Dangerous Husband
FanfictionGay ဆိုတာကိုလက်မခံနိုင်တဲ့ Kim Taehyung ဆိုတဲ့ အဖြောင့်ကောင်လေးတစ်ယောက် ကျိန်စာတစ်ခုကြောင့် ယောက်ျားတွေပဲရှိတဲ့တိုင်းပြည်တစ်ခုကိုရောက်လာခဲ့ပြီး ယောက်ျားများစွာရဲ့ နှစ်သက်စွဲမက်ခြင်းကိုခံရတဲ့အခါ....
