سلمى:هاحنا جينا لات..صبحنا على الله وملائكة الرحمان
أوس(خاشي يدو فالجيب):مالك شفتي شي جن؟؟
سلمى:شفت الشياطين.[ليلى جرات مريم وياسمين ودخلوا من مور ماخداو من عند سلمى البرمة ورحب بيهم أوس]
أوس:حشومة تگولي هكا على راجلك،واش أنا فين مادرت نلقاك؟؟
سلمى:إيوا سير كري راه كتافك يعشيو دوار ويشيط ليهم يعيدوا بيه،ونتا باقي ساكن مع والديك آااه ولا كتسناهم نهار تتزوج يعطيوك بيت فالسطح؟!
أوس:هههه هداك البيت غادي نعمرو بيك
سلمى:هاهاااااااه نتا كتحلم ولا كتحلم؟؟حشوة أنا تعمرني بيه
أوس(قرب لعندها حتى مابقا كيفصلهم والو هبط لودنيها وقال): ديري عقلك وحيدي منك هاد التبرهيش،فراشي غادي يعمر غير بيك أبنت الناس بغيتي دابا بغيتي حتى لمور عشرين عام المهم راك ماديال حتى حد آخر من غيري
سلمى(هضرتو مع ريحتو خلاتها تطير فعالم آخر ولكن دغيا جمعات راسها):أنا مكنحملش الزواج غير رتاح
أوس:غنخليك تحمليه غير صبري على رزقك ابنتي
سلمى:إيوا هي ايلا حشمتي على دوك الشيبات اللي فراسك وبعدتي مني
أوس:هاديك هي اللي عمرك تحلمي بيها درتك فبالي أسلمى. {ياله بغا يتحرك من حداها وهي تلگي ليه رجليها حتى تعكل جا للأرض،بقات كتضحك عليه أما هو اللي مارضاش وياله غادي ينوض ليها لقا غير الريح ويديه حداه.}
سلمى(ضاحكة):السلام راضوش
راضية(أم أوس):ههه هادي مالها تاني؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مريم:ماتديش عليها أخالتي،نحمدوا الله غير مني راشقة ليها
سلمى(كتسلم على راضية):شتك غير كتشرفي وتزياني؟!
راضية:هي بغيتي تگولي راني شارفة هههه لهلا يحييك
سلمى(گلسات حداهم):وا الله يهديك ولدك وشرف بقيتي غير نتي
