وصفة الحب

IX

_صونات لالاغم لياسمين اللي كانت دارتها باش تمشي للافاك،الساعة مكان فيها اللي تمشي وأصلا كانت داخلة عند كحل العفطة،دارت بالناقص وناضت من بلاصتها مشات فيقات مريم باش ينوضو يديروا شي حاجة يتصالحوا بيها مع سلمى اللي قطعات كلامهم البارح،بقاو كيفكروا حتى طاحوا على اكتر حاجة كتبغيها سلمى واللي هي كيكة ديال الشكلاط،بداو يخلطوا فيها وغير سالاو زوقوها،هبطات ياسمين تجيب الكومير فحين مريم عمرات أتاي ووجدات الطبلة،غير جات ياسمين دخلوا لعندها،لقاوها حالة عينيها وكتشوف فالسقف

مريم(دقات فالباب):نقدروا ندخلوا؟؟(لاجواب)

ياسمين(دفعات الباب ودخلوا):مال الزين حزين؟؟.{مشاو گلسو حداها كل وحدة من جنب أما هي باقة مدورة عليهم سيفتها، بداو كيهروا فيها حتى ضحكات وتعانقوا،بدلات الفاصمة وغسلات وجهها تبعاتهم للصالة}

سلمى:هممم كيكة دالشكلاط هي على هاد الحساب خاصني نتخاصم معاكم ديما

مريم:هههه ألالة نصوبها ليك ديما غير بلا ماتقاطعي هضرتنا

ياسمين:اه عفاك ختي آخر مرة،غير ليلة وجاتنا فحالا عشر سنين

سلمى:واراه غير كنت معصبة البارح على أنا نتقلق منكم؟؟

مريم:علاش مالكي؟شنو عصبك؟

سلمى:داك الخراي

ياسمين:مالك مسحتي ليه؟؟

مريم:هههه سكتي نتي،واش أوس؟؟

سلمى:ايه گال ليك أنا ديالو وبغا يتزوجني

مريم(غوتاات):آآآآآ حللفي،ياسمين زغرتي شكتسناي؟؟

ياسمين(بدات تزغرت):صلى والسلام

سلمى(كتسكت فيهم):وا اللقوة گلسوا مالكم كتطيروا،راه گلت ليه لا

مريم(شدات قلبها):أويلي على المسخوطة شدارت؟!كتضحكي ياك؟؟

ياسمين:لا لا راه خاصها التصرفيق والله

سلمى:نتوما عارفيني مع الزواج

ياسمين:ومال الزواج ألالة؟؟

سلمى:الراجل كيشوف المرا غير فراش،نهار تعيا يلوحها وعاد راكم عارفين شنو داز عليا

مريم(فهماتها):و آش غنگوليك أختي،إيلا مكتاب راه مكتاب

-قلبوا الموضوع وعيطوا لليلى اللي علماتهم بوقيتة دالعرس وشنو وقع البارح،فرحوا ليها وناضوا يباليو بالدار أما مريم مشات للكلوب كيف العادة رجعات للدار تغداو مجموعين، ناضوا يوجدوا راسهم باش يمشيو للريسطو ومشات معاهم حتى ياسمين،وصلوا وبدلوا حوايجهم بعدها دخلوا للكوزينة