وصفة الحب

VIII

_كلشي دار عندو وبداو يدوروا فعينيهم،أما هي رجعات راسها للأرض.

أوس:اش كتديرو هنا؟؟

البوليسي:الشاف هادوا لقيناهم مطايفين فشارع ****** وهزيناهم

أوس:هادو راه العائلة

البوليسي(تخلطوا فيه جميع الألوان):هاه ماكناش عارفين الشاف والله،سمحوا لينا عفاكم.{البنات تعجبوا من هاد المعاملة وعرفوا بلي السيد راه فعلا شي حااجة وكون مكانش هو علم الله آش يطرا ليهم}

أوس:دخلوا للبيرو حيدوا من هنا(دخلوا البنات وسلمى باقا گالسة تما)ياكما سخن عليك راسك نهبطك تبرديه؟؟

سلمى:لا مانحتاجش شكرا(ناضت شادة فكتفها هو عاد رد ليها البال وصَّا على حقيبة الإسعافات ودخل لعندهم)

أوس:شنو كنتو كتديروا تما؟؟

مريم(بدات تتغبن):والله أخويا أوس مادرنا شي حاجة راه هوما اللي كانو سكرانين ومعرت شنو كانو بغاو يديرو لينا

ليلى:خويا راه...

أوس:هادشي فخبار قصي؟؟

ليلى(حدرات راسها):لا

أوس(خبط البيرو حتى قفزوا كاملين):كيادر حنا ياك؟؟رادانا كيف لحيوطا خوتك مافخبارهمش،خطيبك مافخباروش شوفي شحال الساعة ونتي باقة كتزندقي برا،واش عارفة شكون اللي كيكون فالزنقة فهاد الوقيتة؟؟

سلمى(مخنزرة فيه):حاشاك شنو بغيتي تگول حنا ق*****؟؟ اجمع فمك حسن لييك

أوس:أنا اللي راجل جمعت فمي وماگلتهاش ونتي ماحشمتيش وخسرتي الهضرة قدامي؟!

سلمى:مالك اش تسحاب راسك؟؟انخاف منك؟؟

أوس:لا لا نتي بوحدك(تم خارج من تما ومع حل الباب وهو يدور عندهم)حتى وحدة ماتتحرك من هنا.{حركوا ليه راسهم وخرج كمى ليه گارو يطفي ليه هاد الشعلة اللي شعلاتو هاد خيتي،بقا برا حتى بانوا ليه جوج طوموبيلات وعرفهم،جمع الوقفة وتسناهم حتى وصلوا عندو}

قصي:فين هي؟؟

أوس:تكالما أصاحبي مالنا؟؟شوف ماتندمش ديلمي اللي گايلها لك،أنا گلتها ليك حيت دابا راه فحالا محسوبة عليك ولكن بربي وتصرا فيها شي حاجة مانعقل عليك اولد الخالة

ياسين:آش دارت؟؟

أوس:دخلوا.{دخلوا معاه للبيرو وغير بانوا ليهم دوك الوجوه فهموا شنو كاين ولكن زاد وضح ليهم أوس كيفاش وشنو وقع.}

أوس:دابا أسيادنا هادشي اللي كاين،ليلى نتي غادي تمشي مع قصي غيوصلك للدار،وياسين حط معاك البنات فدارهم

قصي(مشا جر ليلى اللي حساات بشي حاجة خايبة جاية فالطريق):ياله نمشيو.

ياسين(كان كيفلي ياسمين وداك اللباس اللي لابسة):ياله الدريات نوصلكم.{ناضوا كاملين كانوا باغيين يمشيو}