وصفة الحب

VII

_دازت 3أيام،وجا نهار السبت هاد النهار كان عند البنات روپو وهو نيت اللي كانوا دايرين فيه يخرجوا،فاقوا على خاطرهم فطروا وناضوا مشاو للحمام،4السوايع وهوما فيه بدلوا الجلدة وداروا تحمحيمة ديال الگلب،غير خرجوا طرگوا واحد السناك خداو ليهم سندويشات وموناضة ومشاو للدار،غير كلاو ودخلوا للبيت عند مريم،سلمى كتسبغ ضفارها،ياسمين كتختار الحوايج ومريم كتنشف شعرها،غير وصلات هاديك 17:00 دالعشية وبداو يوجدوا فراسهم،سلمى لبسات كسوة طويلة فالقهوي بالكمام مع شال وصباط عالي بالكحل،دارت ماكياج تقيل وركزات على العينين،أما ياسمين لبسات صاية فالكحل قصيرة مع كخوپ طوپ قصير فالأحمر ولبسات صندالة كحلة فرجليها دارت مايك اب گلوي بانت غزاالة،أما مريم لبسات سروال ديال التوب واسع فالبيض مع قميجة حتى هي بيضة،لبسات صندالة عالية بالحمر ودارت مايك اب خفيف مع شعرها مطلوق،سالاو وياله بغاو يخرجو صونا تيليفون سلمى كان زياد هو اللي معيط ليها جاوباتو

سلمى:نعام أزياد؟؟

زياد:سلمى خاصك تجي هاد الليلة

سلمى:كيفاشش؟منيتك أزياد،أنا دايرة پروغرام موجدة راسي باغة نخرج

زياد:وازعما خديتي نهار وسط السيمانة أسلمى

سلمى(تعصصباات):اش كتخور عليا أزياد؟؟ماتعصبش مي الله يحفضك

زياد:صافي صافي ماشي مشكيل غير تكالماي.{قطعات عليه فحين البنات اللي تغامزوا بيناتهم من ردة الفعل ديالها اللي كانت مبالغ فيها،البنات ياله بغاو يدويو وهي تلبقهم}

سلمى:بلا ما شي ق*** فيكم تخرج شي خرية من فمها.

-ضربو اللقوة وسكتوا،خرجوا وسدوا من موراهم الباب،خداو طاكسي وحطهم شويا بعيد على فين دايرين مع ليلى، كيتمشاو وصوت الطالون كيتقرقب

سلمى(غادة سابقاهم وباقة معصبة):ولد الق*** يدور يدور ونبان ليه غير أنا فالبلان

مريم:واهو باش غادي يعرفك راك خارجة؟نتي اللي مفهمتيهش ودغيا لبقتيه

ياسميين:واييه راه كلشي على عينينا هو قال ليك واش ممكن تجي اليوما نتي دغيا شعلتي معاه،واش مابقيتيش كتشربي دواك؟؟

سلمى:غادي تزيدي قدامي ولا نضرب ختي نجيبها فالارض سوقك نشربو ولا لا؟!

مريم:عندها الحق واش قطعتيه؟؟حالك مابقاش عاجبني

سلمى:كيجيب النعاس صافي نساو هاد الخرا،تسناو هنا انمشي نجيب الما

مريم:تسناي راه ليلى جاية.{جات ليلى وسلمات عليهم،وغير شافت سلمى قشراتها بلي طالعة ليها القردة}

ليلي:مالكي شنو كاين؟؟

سلمى:ليوم شهوتي نشوف الصطافيط من الداخل