وصفة الحب

VI

           _أصبحنا وأصبح الملك لله،عند لالة سلمى اللي ناضت مع الفجر توضات وصلات ودخلات للكوزينة شمرات على دراعها وعجنات واحد الطرح ديال البطبوط و الملوي بقات بشويا عليها من هنا من لهيه حتى سالات الخبيز،هبطات تجيب الكومير وكرواصة،عمرات أتاي ووجدات الطبلة.مشات فيقات هادوك الميتات،دخلات عند ياسمين هي اللولة تفيقها

سلمى:ياسمين نوضي تگعدي ياله

ياسمين:وراني مقارياش لاش مفيقاني بكري؟؟

سلمى(بدات تغوت):بكريي؟أنوضي تگعدي راه 11:00هادي ونتوما باقين مجبدين،واتگعدي خليني نمشي نشوف لوخرا اللي خاصني معاها نهار

مريم(من البيت):على غواتك يخلينا ننعسو هاحنا نايضين مالنا شنو كاين؟؟

سلمى:إيوا نوضوا تقود** يخخ على گنس فحالا والداكم وناسياكم.{خلاتهم ناضوا يتسابقوا على الحمام ومشات هي تنشر الحوايج اللي كانوا كيدوروا فالماكينة،غير سالاو ومشاو للطبلة}

مريم:كاين شي عيد ولا؟؟

ياسمين:وااااو ختي وجدات هادشي؟؟

سلمى:باراكا من الهضرة وگلسوا تحنجروا

مريم(شافت فياسمين):هادي غير الراحة اللي دارت ليها هادشي،نهار واحد مامشاتش للخدمة دارت فيه هادشي كامل ههههه.گلسوا كياكلوا حتى تفكرات مريم ونطقات وفمها عامر[اممممممم]

سلمى(ضربتها لفخضها):مالك الخرا جهلتي؟؟

مريم(كتصرط):حگا نسيت معاودتش ليكم،لبارح جا داك الثور ديالك

ياسمين:شكون؟؟

مريم:اللي حلات ليه يديه

سلمى:ولاش جا مالو؟؟

مريم(بدات تتعوج):جا يسول فييك الحب،حب من أول ضربة ياسلااام

سلمى:وا يمشي يتق** وحتى نتي معاه.

-غير شافتها هكاك مابغاتش تقول ليها راه غادي يجي،ناضوا تعاونوا على الدار وسيقوها حتى سالاو وهي تنوض مريم قالت ليهم

مريم:ياله أنا غادي نمشي لمدرستييي

ياسمين:إينا مدرسة؟؟

سلمى:على ماشي الحمقة دخلات لمدرسة الشطيح

مريم:ومالي؟!

سلمى:شلا داكشي اللي ناقصك،سيري سيري مالقيتي ماتديري والله

ياسمين:فاش تتعلمي شي حاجة علميني

مريم(باست ياسمين):هي اللولة الحب.{غادي يحمقوا سلمى بالمزياان ولكن غير باقي ماناضتش ليهم.دخلات مريم لبسات جوغينغ فالگري مع تريكو عريض فالكحل،ضفرات شعرها ودارت فوقو كاسكيط لبسات سبرديلتها وهزات صاكها اللي حاطة فيه داكشي اللي غادي تحتاج،صيفطات ليهم بوسة من الباب وخرجات.البنات  دواو مع واليديهم أپيل ڤيديو وبقاو كيهضروا،دازت ساعة ونص خرجات مريم من لكلوب ورجعات على رجليها بحكم قريب شويا من الدار،غير وصلات للدرب بان ليها رويحة جاي،دارت راسها ماشافتوش باش يميك عليها ههه لكن هايهاات.}