وصفة الحب

III

_فموبل ديال الزاج كبييير وعالي،كانوا بزاف ديال لي پانو لتحت فيهم مختلف الأطباء والمجالات ديالهم،وكانت منهم الطبيبة ليلى المحفوضي[طبيبة نفسية] الطابق التاني،فضلات سلمى تطلع فالدروج بحكم عندها فوبيا من البلايص المسدودين ،طلعات ولقاتها نيت كتسناها،دخلات لعندها لقاتها كتدوي فالتيليفون گلسات فالكرسي كتسناها تكمل

ليلى(قطعات لاپيل):على السلامة فين هاد التعطيلة؟؟

سلمى(سلمات عليها):لهلا يوريك شنو طرا لينا هاد الصباح ههه هي صافي مابقا ليك والو سمعتكم كتوجدوا؟!

ليلى:غير سكتي ياسلمى قرربت وبزاف

سلمى:ومالكي خايفة؟؟

ليلى:ونتي عارفاني زهوانية أصاحبتي،أه كنبغيه ولكن خايفة نمل ويطلع ليا فراسي

سلمى:هههه ويلي ويلي على هبيلة،السيد بعقلو الزمر حتى نتي ديري عقلك وشدي معاه الطريق،وإيلا حتاجيتيني فشي حاجة أنا هنا

ليلى:عارفة اللي كاين،ياله نبداو دابا الحصة.باقة كتتعصبي؟

سلمى:الصراحة شويا ولكن ماشي فحال اللول الصراحة مريم وياسمين مكيخليونيش مقلقة ديما مفوجين عليا واخا كيطيروا

ليلى:زعما نتي بعقلك ياك هههه،والأحلام باقيين؟؟

سلمى:لا لا الحمد لله داك الدوا كيخليني ننعس بلا مانفكر والا نحلم.{وهوما كيدويو حسوا بالباب تحل بالجهد خلاهم يقفزوا من بلايصهم}

ليلى:خويااا؟!مالك؟؟

أوس:والو جيت نشوف ختي كاين شي مشكيل؟؟

سلمى(دارت عند ليلى):ليلى أش هاد قلة الأدب؟مال هاد الزمر خادا داخل مهجم فحالا دار باه. {هزات صاكها وخرجات معني كملات هضرتها،أما هو اللي غير سمع كيفاش دوات عليه ولاو يبانو ليه غير نجوم وودنيه كيصففروا بالعصاب}

أوس:آش هاد الماركات كيجيو عندك؟؟

ليلى:صافي أخويا أجي أجي شنو باغي؟؟گلس وبقا كيهضر مع ختو،أما هي خدات طاكسي نيشان للدرب،تقدات شي خضرة وطلعات للدار،مع الدخلة كتبان ليها كترة الرغاوي والما وصوت الكراطة كتقرقب فالأرض،وواحد الصوت كيغني الناس خاص فاش يسمعوه يدعيوه بكترة مكيصدع

سلمى:واااا الخرا وافينك؟!

مريم(طلات عليها):ااه سلمى؟!مالك جاية بكري؟؟

سلمى:كررطي هنا خليني ندخل غادي نعمر حوايجي. {كرطات ليها حيدات الما،أما لاخرا اللي گلسات كتعاود لمريم اللي تفقصات}

مريم:وا سبحان الله هي على مزيناتها وخوها هيماجي

سلمى:الكرش وماكتحط ههه المهم راه سمعتها كتدوي على العرس خاصنا نشوفو منين نكريو