بغداد -12:45
صوت الجرس العالي أعلن عن نهاية الدوام . أصوات الطلاب غطت كل شي . صياح . ضحك . جنط
تنرمي عالظهر . ووجوه تعبانة . ديان طالع وي صديقة ايار يمشون على الرصيف.
ايار كالعادة ما يثبت بمكانة . عيونة تنتقل بين السما والبيوت . وابتسامة صغيرة تنرسم
على شفايفة . كأنة يعيش بعالم غير هذا العالم ..
.
ديان باوعلة بنضرات قلقة وگال . " ايار انتبه من تريد تعبر . شوف السيارات "
ايار بدون لا يرد عليه زاح فجأة عن الرصيف . وگطع الشارع . وكأنة يمشي بحديقة مو شارع مليان سيارات .
وبلمح البصر... سيارة سوداء جاية بسرعة
صوت البريك صار عالي . خنگت صدرة
___ " ايــــــار "
السيارة وگفت بأخر ثانية . بس بالرغم البريك ضربة خفيفة صارت .
ايار واگف متجمد بمكانة ومرتبك . و رجلة بدت تنزف بسبب أنها انخدشت خدش خفيف
أيــــهـــم : صاحب السيارة: نزل من سيارتة وهو مرتبك وعصبي بنفس الوقت .
" أنت بخير ؟! تأذيت ؟؟"
گالها أيهم وهو تفحص ايار بنضراتة .
ايار هز راسة بالنفي. بس رجفتة فضحتة . ديان ركض بأتجاه ايار ووجهة مصوفر .
أيهم باوع لركبة ايار . اللي بيها خدش خفيف. وتنزف دم خفيف. طلع منديل من جيبة ومسح بيه
ركبة ايار بخفة .
ايهم : " تعال اگعد هنا على الرصيف . "
بعد ما ايار گعد على الرصيف ، اتجه أيهم لسيارتة وطلع منها بطل ماي.
اخذة وراح انطاه لأيار .
ديان : " اثول مو گلتلك انتبه للشارع قبل لا تعبر .؛!؟" گالها ديان بعصبية
ايار : " وجع كلها دعمة خفيفة شبيك انچلبت علية !"
أيهم : " زين الله ستر . لو ما دست بريك چان هسة أنت بالمستشفى!"
وگف أيهم يباوع للزحمة اللي بدت تصير . وگال . " تعالو شباب خلي اوصلكم "
ديان تردد بس نضرة ايار خلتة يوافق . صعدوا بالسيارة . وحرك أيهم يوصلهم لبيوتهم .
__________-_________________________- ___________
الساعة 5:22 العصر
ضرغام لابس زيه العسكري ، گاعد بمكتبة . فوگ الطاولة ملفات وتقارير امنية . اصابع ضرغام تگلب
الملفات بسرعة . يقرأ الملفات بثگل . وكأنة دماغة يحاول يصفط الدنيا بأسرع وقت .
أنت تقرأ
بين السطرين / متوقفة النشر
General Fictionرواية عراقية مثلية تحتوي على ألفاظ بذيئة الرواية +18 أحرگني گتلة حطب بيه أدفه وأني أحتمل كيف حرگني ودفه وطفاني بعد الحرگ گتلة ضميرك صحة لا گال اريدك فحم مرتين راد اشتعل . ..........................
