عشقني الأعمى(تم التعديل) مُكتمله

🔥البارت الخامس عشر🔥

طيبه جلبي دي هي اللي مشندله حالي🙂👌

قولت معلش يا بت يا بون نزليلهم البارت عشان خاطر الناس اللي بتتفاعل و بتكتب كومنتات جااامده و بتدعمني فااا قررت انزلكم البارت🙈💗

************************************

انقبض قلب راغب بتوجس شديد، وشعر ببرودة تسري في عروقه حاول انكار ما الذي يقصده هذا التعجرف بـ "فضيحة"، لكن نبرة صوته الواثقة ونظراته المستفزة كانت تنذر بعاصفة قادمة لا محالة .... قال بنبرة حادة محاولًا إخفاء توجسه: "تقصد إيه بكلامك ده فضيحة إيه اللي بتتكلم عنها وإيه علاقة المأذون بكل ده"

وضع داغر قدمًا فوق الأخرى واضجع ظهره للوراء بارتياحية تثير الغيظ، ثم قال ببرود:"انا هجاوبك ... بس الاول عايزك كدا ترجع بذاكرتك قبل 26 سنه ايام زيزي فاكرها"

انتفض راغب من مكانه كأن لدغة حية قد سرت في جسده عندما استمع إلى ذلك الاسم الذي ظن أنه دُفن مع الماضي. اتسعت عيناه بصدمة ورعب شل حركته للحظات ... ابتسم داغر بجانب فمه وقال بسخريه:"ﻻ اجمد كدا انا مقولتش غير اسمها ... أمال لو قلت إنك كنت ... كنت بتسهر معاها ليالي ما يعلم بيها إلا ربنا؟ كنت بتخليها تحلم ببيت وعيلة"

ثم أكمل بحدة وهو يراقب ارتعاشة يدي راغب المتشبثتين بحافة المكتب: "أقولك كمان؟ أقولك إن زيزي دي ... هي أم شمس؟ ايوا امها ... الوسخه اللي قضيت معاها كام ليله عجبوك لحد ما حبتك والظاهر إنك أنت كمان عجبك الوضع ... سنة كاملة قضيتوها في علاقة ... لحد ما قررت حبيبة القلب تبطل الرقص بعد ما كتبت عليها عرفي وتقولك إنها حامل... حامل في بنتك يا راغب باشا"

توقف داغر للحظة، مستمتعًا بذهول راغب الشاحب، ثم تابع ببرود قاتل: "طبعًا انت مشوفتش قدامك ... فضيحة زي دي كفيلة توقع شركتك اللي فضلت تبني فيها سنين ... وكمان وقتها كنت متجوز بنت الأصول سهير العمري ... مراتك اللي كنت بتوهمها أنها مش بتخلف فوقتها عملت إيه بدل ما تستر على غلطتك ... حبست الكلبه بتاعتك لحد ما ولدت البنت ... بنتك ... شمس راغب الهواري."

مال داغر بجسده للأمام قليلاً، وعيناه تخترقان عيني راغب الجامدتين: "وبعد ما البنت نورت الدنيا ... قررت تنهي الفيلم الهندي ده بجريمة قتل ... قتلت أم بنتك عشان السر ما يطلعش ... وبعدين أخدت شمس ورميتها ف ملجأ وبعد سنة لعبت دور الأب الحنين واقترحت على مراتك تتبنوا بنت ... وجبت شمس بنتك اللي من لحمك و دمك كبش فدا لوساختك ... و ساعتها برضو كان معاك فارس اللي هو ابن اخت مراتك مش ابنك ... و ف الآخر وزورت تحاليل طبية عشان مراتك تصدق إنها 'اتعافت' وخلفتوا تاليا"

صفق داغر بيديه وقال ببرود مستفز:"حقيقي اصقفلك لعبتها صح، وقدرت تداري فضيحتك وتخبيها عن كل الناس سنين طويلة وأنت عايش في كذبة كبيرة ... عامل فيها الأب المثالي ورجل الأعمال الشريف"