عقاب بلا ذنب

بارت ١٥

بِسمِ اللهِ عَلى فُؤادِي حتَّى يَطمئِن..

_رواية "عقاب بلا ذنب "

_بقلمي *جيهان*

سكراتي لا تنسون التصوويت +التعليق بين الفقرات+واخيراً متابعه حسابي الانستا 🤍🌹

@j_2nn__6

                  •┈┈┈••✿❂✿••┈┈┈

هوه الما ينام الليل
لازم سالفه بباله
لو مبيوع من عزاز
لو متمرمره أحواله
•┈┈┈••✿❂✿••┈┈┈

ليان.............                                                   

نزلن بنات اتلاثه وحده منهن عالدرج وعاطت بسمه

::-شامخخخ!

نزلت تركض وحضنته....حضنهاا ومبتسم باس راسهااا ميلها وفتح ايده للوراهاا اصغر منها ومبينه حزينه هم حضنهاا وباس راسهاا ابو عيون ايوزع احضاان..
سلم سلم عادي عالثالثه اللي مبينه اكبر وحده حلوه ومرتبه ولابسه حجاب وابتسامتها من الاذن للاذن....

سلم عالباقين من اطفال ونسوان وشباب سلام عادي بس اكو وحده من النسوان باس ايدها وراسها..

صاحتله حجيه جبيره بالعمرر ومبينه الهيبه من شكلهاا فتحت ايدهاا كعد بصفها حضنها لصدره شكد باسهاا.
كعد يبسبس هو وياها اريد اسمع كلمه ماكوو واني كل بالي وتركيزي وياهم .
صوتهم ما مسموع بس شفت الحجيه كم مره رفعت راسهاا وباوعتلي واني ماده البوز شبرين..

شيخ صكر::-عليش بنيتي ضايجه ؟

ليان::-ما ضايجه.

::-كومي ويه البنوات.

::-يا بنوات واني من دخلت لهسه محد حاجاني كلمه بس يباوعون عليه يمكن ضايجين من جيتي بدون زياره.

شيخ صكر::-آفااا منو يضوج من بنيتي.

رفعت متوني وماده بوزي الضوجه تقره الف

شيخ صكر بصوت مسموع للكل

::-شبيكم يابه بس صافنين على بنيتي.

الابنيه اللي صررخت من شافت شامخ حجت بزعللل

::-هااا شيخ تخوني عينك عينك.