عشقني الأعمى(تم التعديل) مُكتمله

🔥البارت الثاني عشر🔥

***************

قبل ذلك بقليل ... ظلت تاليا تحدق في الفراغ حيث اختفت شقيقتها، وعلامات الصدمة ترتسم بوضوح على ملامحها. عيناها متسعتان بشرود، وفمها فاغرًا بذهول:"مستحيل" تمتمت بصوت خافت، وكأنها تستفيق من كابوس لا تستطيع استيعاب ما رأته للتو شقيقتها البسيطة، الهادئة، يركض خلفها بكل لهفة ... الوحش الكاسر، إمبراطور المال، داغر الشافعي!! هذا الجبّار الذي تهابه القلوب وترتجف لسماع اسمه الشركات العملاقة!! ستجن حتمًا! هذا المشهد السريالي يتجاوز حدود المنطق والخيال. كيف يمكن لهذا العملاق أن يهتم بشخص مثل شقيقتها؟

لكن ... يؤسفني أن أخبركِ أيتها الحمقاء أن شقيقتك قلبها أسمى من أن يلتفت لبريق النفوذ وسطوة السلطان، على عكسكِ تمامًا. ربما استطاع أن يرى من خلال نقائها الداخلي وروحها الصافية ما يعجز أمثالكِ عن إدراكه لقد لمس جوهرها المتواضع، تلك الطيبة المتدفقة التي لا تعرف زيفًا أو تكبرًا. شمس تحمل في قلبها بستانًا من القيم الرفيعة التي لا تقدر بثمن، بينما أنتِ لا ترين سوى قشور المناصب الزائلة والألقاب البراقة لقد أسرته بصدقها وعفويتها، بتلك البساطة الآسرة التي تجعل روحها تتوهج كنجمة في سماء مظلمة، وهو ما يعجز عن فهمه من تعلقت قلوبهم بظواهر الأمور وسطحيتها

استفاقت على صوت احمد الذي قال بتهكم:"هتفضلي مصدومه كتير"

حدقت به بعدم فهم وقالت بتوهان وهي تشير حيث اختفى داغر وشمس:"هو ... هو داغر رجع امتى هو رجع يشوف تاني"

عقد حاجبيه بضيق شديد:"ليه ليه مستغربة كده؟ طول عمرك عينك عليه وعلى نفوذه وسلطته، وهو عمره ما عبرك ولا بص ناحيتك .... أهو رجع يشوف تاني، وبدل ما يهتم بيكي انتي اللي كنتي بتحلمي بيه، وكنتي مستعده تبيع ابوكي واخوكي عشانه و ياما رميتي نفسك عليه وتحت رجله اهو بقى ورا أختك بجنون وهيموت عليها ... أختك يا تاليا اللي طول عمرك شايفاها أقل منك بس القلب مش بيختار بالمكانة والمنصب زي ما كنتي فاكرة ... انتي فاكرة إن الدنيا دي ماشية بالجاه والسلطان، وإن داغر ده هيشوف مركزك ومكانتك ويسعى ليكي ... يبقى بيتحلمي الدنيا دي ليها قوانين تانية خالص قوانين قلب محدش يقدر يتحكم فيها طول عمرك بتحلمي بنظرة منه، بتحلمي تكوني واحده من اللي بيتسلى بيهم وتفوزي بلقب حرم داغر الشافعي أو لمسه داغر الشافعي بس هو ... هو دلوقتي عينه متعلقة بأختك، اللي طول عمرك بتقللي منها يمكن لقى فيها حاجة عمره ما شافها في ستات كتير حواليه ومنهم انتي، حاجة أصيلة ونقية مش بتدور على مصلحة ولا نفوذ والنتيجة؟ هو اللي بيجري وراها وهيموت على نظره منها، مش العكس"

نفت برأسها سريعاً بعدم تصديق:"ﻻ طبعاً ايه اللي انت بتقوله دا .. اصلا اصلا داغر يعرف شمس منين ... شمس مستحيل تقدر تبقى فمكانه زي دي لا... مستحيل شمس... شمس إيه اللي ممكن تجذب انتباه واحد زي داغر الشافعي؟ دي... دي أقل بكتير من إنها حتى تفكر تكون في مكانة زي دي ... حرم داغر الشافعي؟ ده منصب ... ده عالم تاني خالص شمس... شمس طول عمرها... بسيطة... على قد حالها... عمرها ما عرفت لا مجالس رجال الأعمال ولا الأضواء دي ... إيه اللي ممكن يقدمه واحد زي داغر لواحدة زيها؟ وأيه اللي ممكن هي تقدمه ليه؟ ده كلام فارغ أكيد فيه حاجة غلط في اللي أنا شفته ده."