جَـبروت الـ صَـعب

⚜️البارت الحادي عشر ⚜️

‏:﷽
الكاتبة
زَهـراء الـ نِعـمة

حسابي user30950527

INS . zpo.o1
Tli . zazanima11

- لاتنسون التصويت والتعليق حتى استمر 💕.

برَاسي الـما دَروا باعو مثاليات!
أنَا أخلاق المِشو وَيايَ أعدلها .

_________________________________________

《 رَوعة 》

- رجعنة من الفندق راسي يوجعني دخلت للبيت وبوجهي للغُرفة غسلت شلون ماكان ولبست ملابس مريحة للنوم ونمت نومة عميقة

- كعدت من الصبح ماما كعدتني لان راح يرجعون
من الفندق غسلت وصليت وبدلت ملابسي
لبست فُستان هم فكتوري ولبست حجل برجلي
ومكياج خفيف وعطر وأخذت تلفوني ونزلت
لكيتهم كاعدين يتريكون صاحت عليَ ماما

رَندة:: تعاي يمة تريكي شلون صمون حار جاب هادي

- اجيت حبيبتي ، كعدت بصفها ومُهجة كبالي كاعدة يم باقر واني بصف ماما والبنات يم ماما نَفس وجدو
متوسط السفرة

- تريكت وكمت اغسل وطلع محمد الباقر ويا الهادي
يجيبون العرسان من الفندق

- جدو خابر على الكصاب حتى يجي يذبحون
طلي ( خروف )

- كعدت بالمرجوحة اتمرجح ودخل محمد الجواد
هوَ ومرتة والمُجتبى

- سلمت عليهم ودخلت جوة لان حيجي الكصاب

- شوية واجو العرسان وياهم باقر وهادي
سلمت عليهم وباركتلهم ومرتة خجلانة ،
بعد مو هسة يطلع وجه الحية

- ذبح الكصاب الطلي واني اصور شلون يذبح
بي دخلوا للبيت سلمت على جدو وماما نَفس

- وجدو مد ايدة بجيبة وطلع فلوس انطاهة
وماما نَفس هم انطتهة وجدو باوع علينة إحنى
واكفين علمود مايفرق احنى البنات هم انطانة ..

- مرت الايام هادئة وحلوة بس هذا الهدوء ما
قبل العاصفة ..

- اليوم كاعدة من الصبح طلع القبول مالتي
وصرت طالبة جامعية ( طب أسنان )

- لبست رسمي اسود ويَ حجاب وكَعب اسود
خليت عطر ومكياج خفيف وكفت كدام المراية
اخذت صورة حتى اخليها ستوري
ماما وعَمرة جوة منتظرين حتى نروح نكمل تسجيل راح اصير رسمياً بالجامعه حلم عمري راح يتحقق وأخيرًا نزلت وعَمرة تصيح يلا يمعودة ..

- اجيت عيني شبيج

- يلا رَوعة أمشي

- صعدنه بسيارة عَمرة متوجهين للجامعة وماما ويانه تمنيت كل خطوة بحياتي ابوي وياي وهوَ يسويلي كل هذا بس بعد الحمدلله امي ماقصرت وياية ولا بيت جدو