"نبدأ بذكر الله "
"بسم الله الرحمن الرحيم "
الملف السري — البارت 7
بقلمي : بتول ابو الليل
"لم يكن مجرد ملف…
بل كان الشرارة التي أوقدت نار الحقيقة،
حقيقة كانت نائمة بين الأكاذيب،
وسما... لم تكن مستعدة لما ينتظرها.
خطوة واحدة جعلتها وجهاً لوجه مع المجهول،
في مكان موحشٍ يفتقد للرحمة،
وأعين تترصدها كما لو كانت فريسة.
وهناك... رجل، ملامحه مرعبة، وصوته يحمل نذير السقوط.
ولكن ما خفي كان أعظم،
فمن قال إن اللعبة بدأت حقاً؟"
----
_ليلئ _
ما الحياةُ إلا وجعٌ مؤجَّل،
نحملهُ في صدورٍ أنهكها الصبرُ وتآكلها التعب.
نبتسمُ كي لا ينهار من نُحب،
ونمضي، وفي أعماقنا ألفُ انكسارٍ لا يُرى.
نمشي مثقلين بالخذلان،
نُقاتل بصمت، وننزف بلا صوت
فليس كلّ من يتنفّس، حيٌّ بحق...
گعدت الصبح ساعه 8:30 كمت بسرعه غسلت وجهي وبدلت ملابسي اريد اروح للجامعة اداوم واليوم
طلعت شفت مروان هو وامي واسيل گاعدين علئ طاولة الاكل رحت عليهم صبحت وكعدت وياهم اتريك
مينا : مالگيت سماا بالغرفه مادري شوكت طالعه من البيت
مروان : البارحة گالت عدها شغل بالشركه ولازم من وكت تروح تكمل باقي الاجراءات
مينا : يايمة والله خايفة عليها وما مرتاحة احس هاي الفترا هواي امور غريبة تصير ويانه بالاول الانفجار الي بالشركة بعدين خطف اسيل والطلعاات المفاجاة مادري شنو الي ديصير وياها وهيه كل ما اسالها تگول ماكو شيء
مروان : لا تخافين سما قوية وذكية بنفس الوقت تعرف شلون تتصرف لا يظل بالج عليها اهتمي بصحتج اهم شيء
مينا : إن شاءالله
اسيل : مروان توصلنه للمدرسة؟
مروان : اي اكيد يلا تعالوا
مينا : الله يحفظك حبيبي
مروان : لا تحسسيني اني غريب عليكم وتبقين كُل شوية متشكرتني اني ابنچ وهذا واجبي
مينا : فدوة لوجهك
مروان : يلا بنات اني نازل گدمكم اشغل السياره من تخلصون اكل الحگوني
تركنا وطلع من الشقه بقينه نتريك خلصنه ريوك كُل وحده راحت غسلت وشالت الجنطه مالتها انطتنا امي فلوس وگالت
مينا : اسيل ماما ليلئ حبيباتي انتبوا زين بالطريق واذا حسيتو اكو شيء غريب ومخيف خابروني او خابروا مروان تمام لا تخلوني بقلق عليكم
ليلئ : ان شاءالله حبيبتي لا تبقين خايفة واشربي علاجج احنا شوية ونرجع وبس نوصل نخابرج تمام
هزت راسها حضناها ثنينه وبسنه راسها طلعنا من البيت مروان منتظرنه داخل السياره صعدت اني بالصدر ساق السيارة اني الجامعة مالتي قريبه علئ الاعدادية مال اسيل يعني نطلع سوية مرات بالطريق اتصل جهاز مروان جان ايان
أنت تقرأ
الملف سري
Mystery / Thrillerفي زاوية مظلمة من هذا العالم... يُخبّأ ملفٌ لا يجرؤ أحد على فتحه." ملف سري، لم يُكتب لأعين البشر، بل لحماية أسماء لا تُقال، وحقائق لا تُغفر. بين طيّاته، يكمن مصير... ويُحيك خيطاً من الغموض حول كل من اقترب. هي... فتاة عاشت على هامش الأمان، في غربةٍ ت...
