حطو نجمه واستمتعوا
هيام انخرشت وبدات تركض مسكها جراح يسحبها ل عنده طاح جراح وطاحت هيام فوقه
هيام ناظرت له بخوف :صار لك شي؟
جراح ابتسم وقلب الوضع وصار فوقها بعد خصلات شعرها عن وجهها وهمس باذنها:ماصار لي شي يالقزمه
هيام توترت من انفاسه الحاره عند عنقها:طيب ابعد بقوم
جراح بعد عنها وقامت ومدت يدها له :ههههه انتي بتقوميني يعني؟
هيام:ابك تراي معضله!
جراح ضحك :نشوف هاتي يدس
هيام مدت يدها تحاول تقومه بس ماعرفت فكت يدها:ابك اجل قوم نفسك شذا
جراح قام وهو يضحك ونفظ ملابسه:أمشي يلا
دخلوا البيت
هيام ب انبهار:يجنن!!
جراح ابتسم:شوفي هناك في حديقه
هيام مشت هناك شافت مسبح وجلسات وكبير البيت ولونه ابيض
هيام:تجنن
جراح فك بلوزته ونط بالمسبح يغوص:شرايك تجين
هيام بعدت بخوف:لا ماعرف اسبح
جراح :سالتس بالله؟
هيام:اي والله
جراح :تعالي انا اعلمك
هيام :لا مابي اخاف
جراح: انا معك تعالي
هيام رفضت رفض تام طلع جراح من المسبح وشالها:تكفى تكفى جراح ماعرف مابيي
جراح ابتسم ونزلها بالمسبح ونزل معها:انا معك الحين تعالي اعلمك
مسك خصرها يحاوطها بيدينه الثنتين
جراح:الحين نزلي رجولك وحاولي تحركينها مع المويه وحركي يدينك
هيام بدات تسوي نفسه:عرفت عرفت
جراح بدا يفك يدينه
هيام صرخت تتعلق بعنقه نطقت بصوت خافت:جراح تكفى لا
جراح ضحك:يابنتي بعلمك
هيام :لالا طلعني ماعرف تكفى
ضحك يطلعها يجلسها على حافت المسبح :لو خلتيني اعلمك يابابا
هيام بدلع:لا يخوف
ابتسم جراح يبعد خصلات شعرها عن وجهها:زين
هيام قامت:شرايك تطلع نلبس ونطلع برا ابي اشوف الجزيره
جراح طلع:سمي
ابتسمت ودخلوا داخل
طلعوا غرفتهم لبست هيام وحطت ميكب خفيف وسوت شعرها ويفي
ناظرت جراح:خلصت؟
جراح:اي يلا تعالي
نزلوا تحت يطلعون من البيت هيام راحت تتمشى بعيد عن جراح
جراح ابتسم وركض لعندها يشيلها ويدور فيها
هيام ضحكت:ياكلب خوفتني
جراح نزلها قدامه:اسف
هيام ناظرت له:لاتعتذر
جراح ناظر فيها وقرّب منها يقبل شفايفها ومسك خصرها
هيام تلخبطت مشاعرها وحست بفراشات ببطنها بدلته بعد وقت وبعد عنها حط راسه على جبينها وناظر عيونها هيام استحت وبعدت عنه تركض بسرعه للبيت
{بقصر آل قاضي }
الجد:ياولد انت وياه لو ماتهجد ل اوديكم عند النياق!!!
هادي :خلاص ابشر
هدو العيال وصار صمت
هادي ب همس ل سعود:سعودو
سعود بنفس الهمس:انطم ل جدي يودينا عند النياق
هادي:اسمع اسمع يولد شرايك نسوي مقلب ب سلمان تكفى تكفى
سعود:اي اي علشان يدفنا واحنا حيين!
هادي:لالا معليك ماتدري اني هادي ولد فهد
سعود ضحك:والنعم
الجد بغضب ضرب عكازه بالارض:هااديي سعووددد!!!!!
هادي نط ورا سعود من الخرشه
سعود :والله مو انا ياجد هو يلي جا يكلمني
هادي:ابك لاتكذب يالكذوب
عزيز:تكفى ياجد ودهم عند النياق لعلهم يلقون رفسه
هادي:حسبي الله عليك يامعفن
الجد :هاه شتقولون؟
عزيز:زوووطططط
الجد مسك عكازه:لا بارك الله فيك من ولد قم قم يالسربوت
انفجرو الكل يضحكون
عزيز:ياجد قسم بالله بلغلط
هادي :تزوط لجدك يالغبي
عزيز:انطم
سعود:قله ادب ياعزوز شذا ماتحترم جدك
عزيز نط عليهم:حسبي الله فيكم ياشيخ تبونه يكسر الخيزرانه ع ضهري؟
الجد:بس بس بس انت وياه
العيال:سم
{بالجزيره}
جراح طلع من الحمام :هيام
هيام :لبيه
جراح ابتسم:تعالي
هيام قربت منهو:وشو؟
جراح:ابك قربي شفيك؟
هيام قربت شوي:ها شتبي؟
جراح سحبها وصدمت بصدره العاري زادت دقَّات قلبها
جراح بعد خصلات شعرها وبهمس حار:شفيك!
هيام زادت دقات قلبها بحياء:جر..
قطعها جوال جراح يلي دق
هيام زفرت وبعدت عنه
جراح :يليل
قرب من الجوال يقرا الاسم تنهد ورد:هلا؟
هديل:اهلين فيك يروحي اسمع
جراح:اسمعك
هديل ابتسمت بدلع:عادي اروح مع امي عند جدي ولا؟
جراح :اي عادي
هديل:تمام انت بالبيت؟
جراح:لا
هديل تبي تعرف هيام معه:تمام بناخذ هيام معانا
جراح بسرعه:لالا هيام معي
هديل عصبت:تمام بس لازم تجون
جراح:خلاص تمام سلام
وقفل بدون يسمع ردها
هيام:هديل صح؟
جراح:اي جدي يبينا البسي بنمشي
هيام بطفوله:بس مابي اروح الجزيره حلوه!
جراح باس خدها:عارف يروحي بس شنسوي اوعدك اخذك مره ثانيه
هيام:وعد؟
جراح ضحك:وعد
هيام :تمام
راحت تلبس وطلعوا من الجزيره
هيام:ابي ماتشا
جراح:سمي
وقف جراح عند الكوفي:لو سمحت ابي ماتشا وحده و v60
الموظف:ابشر
بعد وقت عطاها جراح وحركو
هيام مدت له الماتشا:ذوق وربي تجنن
جراح شرّب منها شوي :استغفرالله طعمها سدر!
هيام ضحكت:حرام عليك وربي حلوه
جراح شرب قهوته:مو احسن من قهوتي
هيام:انننن اص بس
ضحك عليها وكملوا طريقهم
وصلوا القصر ونزلوا يدخلون القصر
.......................................
مطوله عليكم بس كان عندي فاينل
ولا كنت فاضيه
