﷽
روايـة بقلمي : يوم الدجن .
زهـراء محمد : زآزي .
خسرت كُلشي بس بحُب علي رابح 🤍.
حطلي ملح ؏ الجرح وگال داويتة
شاغت الروح بس ما حاجيتة
ومثل المعتذر ندمان خليتة .
زهراء محمد .
سؤال : لو خيروكم تعيشون حياة مشهور منو راح تختارون؟.
لاتنسون التفاعل ؏ بارت عمري 🤍🪐 .
متمددة أيدي ؏ راسي مغمضة عيوني بوسط الضجيج ،
كلهن يحچن ويلغن عفية حلگ ما يسكت ،
تأفتت مختنگة بسبب الحياة ألي دا اعيشها هنا .
گمت عدلت گعدتي تچيت ضهري ؏ حايط صافنة بزماني ،
باوعت عليهن كل وحدة ماخذة مجموعة كاعدات ويحچن ،
نزلت راسي ضوجة وخنگة .
رجعت تمددت بمكاني وكل شوي اگوم و أگعد ماعندي شي اسوي او التهي بي،
باوعت صافنة ؏ سگف أنفتح باب ودخلت شرطية للداخل ما اهتميت توقعت ازيارة الـ وحدة من الموجودات بس طلع غلط توقعي والزيارة الي !.
گمت من مكاني مامهتمة لبست شالي وتمشيت وياها ،
توقعت كـ العادة واحد من خوالي چاي يطمن علي ويروح ،
مشينا بهدوء بدون صوت لحد ما وصلنا للغرفة دخلنا ثنيناتنا .
چنت بوقتها منزلة راسي وجهي بدون ملامح ،
عافتني البنية وراحت وگفت يم الباب ،
رفعت راسي علمود اسلم ؏ خالو وكآن كل ضني هوة خالي ،
فتحت عيوني مصدومة صدرت شهگة قوية مني ،
ماعرف عليمن أنصدم من وجودة ؟ لو من شكلة ؟ لو من حالتة ؟!
أنت تقرأ
يوم الدجن
Actionفي مُـكان وزمـان في الحرب وألامـان . في الاخـذ والعطـاء يقتلون ارواح الابريـاء يشؤن حرب بين الاشقـاء يفعـلون مايشـأون يقتـلون ما يريدون . في مُكـان نرى طيغانهم وكيدهـم وانعدام ضمائرهـم . * القصة حقيقة * بقلمي :- زهراء محمد
