عشقني الأعمى(تم التعديل) مُكتمله

كواليس تصوير الرواية😂-تحشيش الجزء الاول-

: أعزائي المشاهدين القارئين والقارئات معكم البون تحديدا من ارض تصوير رواية عشقني الأعمى تحديداً

= ما كفاية رغي صدعتيني

: بس يالا هو انا مش بتكلم

= ششش انا اتكلم وقت ما احب

: حبك برص وسبعه خرس يا مستفز يابن المستفزة

= احترمي نفسك انا مش عايز أقل أدبي عليكي يا بنت التنحه

: كااااااااااااات ... ايه المهزله دي يا استاذ ازاي تتكلم مع المخرج بالطريقة دي

= انت اتكلم زي ما انت عايز انا داغر الشافعي

: حيلك حيلك يابو شخه انت هتنسى نفسك وﻻ ايه انت حيالله حتت شخصيه ف دماغي جو داغر الدغور مدمر القلوب دا وانك جامد دا مش عندي

استقام ابو الدغور من على السرير اللي كان مخمود عليه وقت التصوير وقالي بنبرة حادة:"انتي اللي هتنسي نفسك وﻻ ايه يما انا البطل من غيري الروايه دي فستك بح"

:ياي بقا دي ألفاظ رجل اعمال

قال الباشا بهمجية:"عليا الطلاق من البت المزه ام عيون رمادي دي لو ما نقطينا بسكاتك و شوفتي شغلك هفلقك نصين"

كان الصايع ينظر ويقصد بكلام أمه دا البت شمس اللي واقفه فطسانه ضحك وانا أعزائي ساعتها حسيت اني عملتها ع نفسي بعج جعيرة دا وطبعا برستيجي كمخرجة احم ميسمحليش ارد ع الاشكال دي فاااا حطيت السماعه وقعدت مكاني باحترامي وقولت بهدوء:"احم اعصابك يا استاذ مش كدا اتفضل نام ع السرير زي ما انت عشان نكمل تصوير"

بصلي بقرف و بعدين قام السافل غمز للبت شمس وقالها:"ما تيجي تجربي المشهد وانتي نايمه جمبي هيبقى طرش "

:انتي يا بني آدم انت احنا ف استوديو محترم ازاي تتكلم بالطريقة دي

بصلي و عنيه كلها شر و ربنا حسيت اني عملتها ع نفسي وقالي بردح:"حوش حوش يا حيله امك هتعمليلنا فيها الشيخه زعبوله"

لسه كنت هرد عليه لقيت الباب انفتح ونطلنا مين اي دا احيه مراااااد انصدمت وقولت بصدمه:"مررررااااد بتعمل ايه هنا"

بصلي بقرف الشمام وقالي بطريقة العيال السرسجية:"انا سمعت خير اللهم اجعله خير أنك بروحمك وقفتي روايتنا وهو احنا عشان شغالين عند اللي خلفوكي هتتنططي علينا ... وربنا لو مرجعتي تصوري روايتنا هنفخك يا اما هصور ف الروايه دي انا يا فيها يا اخفيها"

:أهدى يابو عمو مش كدا الأمور اخد وعكا الحكاية وما فيها أن الجمهور قالي ايه اجلي رواية الواد مراد وأسد وكملي مع الواد داغر وشمس عشان يعني سوري كدا سوري قصتهم احسن من قصتكم ف مفيش ف اليد حيله

= عند ام لطفي اللي بتقيد و تطفي معنديش انا الكلام دا انا لسه متجوزتش وعملت فرح وهيصت اشمعنى اسد

: استنى عليا وانا هدلعك والله بس سييييبنييي اخللللللص امممممم المشهههههههد دااااااا

اتفزعوا كلهم من صوتي ﻻاني حرفيا كنت عايزه اقتلهم كلهم المستفزين ....

يتبع .... ((-تحشيش الجزء الثاني-))

انا اول كاتبه تعمل كدا اول كاتبه محششه كدا😂😂