السلااام عليكم
تردون بااارت علقوا بين الفقراات
استمتعوا بالبارت
....
تنهد المحامي يخلي الأوراق على جهة
:. أنت تعـرف، علاقتـي وي أبوك مو بس علاقة محامي وموكل
.. وأنما علاقة صداقة وأخوة منذ الصغر
أنا تقريبًا أعـرف كلشي موجود بحياة والدك الله يرحمه، وهو كان ذات الشي وياي
.. المهم، وقت تزوج والدتك كان زواج مصلحة لأجل الأعمال، وتم الأنفصال بالتراضي بين الطرفيـن بدون أي مشاكل
.. وصار هل شي مرة ثانية وتزوج الست أم وغى هم، بس قرروا يكملون سوا وهذا هم بالتراضي بين الطرفيـن
.. بس أم هذا الولد تختلف
كلش تختلف
غيث بعدم فهم
:. شلون يعني تختلف، من عائلة معففه؟
(معففه/فقيره)
تنهد المحامي:. ياريت، بس للأسف اسوء من هيچ
(هيچ/هكذا)
غيث بقرف:. لاتگول وحدة دايحه؟
وهسة يطلع حتى زواج ماكو
(لاتگول/لاتقول)
(دايحه/أي امرأة غير جيده)
المحامي حرك راسه بـ لا
:. لا لا، زواج وكلشي أصولـي
ابوك شاف البنيـه وطاح بغرامها، وفورًا طلب تكون زوجته، وراح خذاها من نص أهلها
غيث براحه:. يلا على الأقل مو أبن حرام
أي كمل ولاتضل تشمر بالقطاره شلعت گلبي
(تشمر بالقطاره/تتحدث ببطئ)
(شلعت گلبي/مزقت قلبي..بسياق اتعبتني)
المحامي تنهد
:. انت بس لاتقاطعني
أومأ غيث بدون كلام والمحامي سحب نفس يردف بعدها
:. أي ابوك تزوجها وأخذها سكنها أحد الشقق ببغداد، وكل مايروح هناك يروح ألها ويبقى عدها
.. بعد فترة حملت وابوك كان رافض هذا رفض تام وطلب تسقط الطفل، بس كان موت الطفل يعني موتها
.. مع ذلك ابوك رفض الاعتراف بي رفض تام
لذلك خلى الطفل معلق ورجع البنت لـ أهلها، بس بذات الوقت كل مصرفها ومصرف أهلها على ابوك في سبيل يربون اخوك الصغير
أنت تقرأ
أبـن الغـجريـة
Non-Fictionماذا سيحـدث بعد معـرفة غـيث أن لـه أخ لايعلـم بوجودة وكيف سيواجـه غيث تحدي تربيـة ذلك الفتـى الذي لم يراه بحياتـه قصـة باللهجـة العراقـية، تترجم الكلمات الصعبـة للفصحـى للتسهيل على باقـي القراء من غير دول
