بسم الله الرحمن الرحيم
تصويت و تعليق بين الفقرات
بقلمي الكاتبة زهور
أني من شفتك گبالي
عفت كُل ناسي وراية
انت عندي مو فقط
واحد هوايه
وحدي يمك للنهاية .
_____
سوسي
اباوع نور من دخل للبيت و هو معصب و متوتر بنفس الوقت استغربت شبيه
تقربت منه انطيته مي، هز راسه بلا
نور الله :ما اريد
سوسي : شبيك؟ شصاير؟
نور الله : عفتها سلسبيل عفتها بوسط
كل شي و اجيت
سوسي: عفت منور نور؟ شبيك
نور الله :شعلة، شعلة مرن ثلاث ساعات و هي ماكو!!! خاف لزمتها الشرطة لو...
سوسي :صدك تحجي؟ وينهاا هسة
نور الله :ما اعرف اخخخ يا يابة ما اعرف والله
سوسي: يالله يا محمد يا علي امانتك
موسى بن جعفر
نور الله : مااا كدرت احميهااا ما كدرت ذبت روحها بالنارررر علمودي!!!
شفت الدموع بعيونه يلمعن و نبرته كلها ندم و خوف، تقربت منه أكثر لزمت ايده امسح عليها بهدوء اريد اطمنه و اني اريد احد يطمني عليها كلبي اشتعل نار عليها
خايفة ما تستاهل!!!
فززنا صوت تلفونه يرن ضحك و مسح عيونه من شاف اسمها على الشاشة
بسرعة رد....
شعلة :ن.... نوررر
نور الله :شعلتي بابا الف الحمدلله الهي وينجج شصار؟ ما بيج شييي مو طمنيني عليج فدوة اروحلنج
شعلة :نورر دا انزف الحقني
فزع نور كايم من مكانه بسرعة اخذ سويج سيارته و طلع يركض ما لحكت احجي وياه حرك سيارته حرك مشة سريع
و اني بقيت صافنة و ادعي من كل كلبي يخلصون من رحمة هالضالم و يكملون حياتهم طبيعي حالهم حال اي شخص ثاني،
اتخذت قرار لنفسي و ما ممكن ارجع عنه
و منتظرتهم يجون و يخلص كلشي حتى احجي وياهم لأن بعد سمعته من نور مستحيل ابقة هنا....
ساعتين ضبط انة كاعدة على نار احس
اتصل عليه ما يرد و هي تلفونها صار مغلق راح كلبي عليها...... فزيت اباوع بالكاميرات اشوف سيارة نور طبكت يم الباب و نزل نور فتح الباب سيارة الورة
شايل شعلة بأيديه
ركضت افتح بباب الحوش شفته و دموعه تلمع بعيونه شايلها و يريد يبجي يحجي وياها....
نور الله : شعلتي بابا...
أنت تقرأ
ليالي ديسمبر المظلمة
Mystery / Thrillerفي إحدى ليالي ديسمبر السواد معتل المكان، لا أحد يستطيعَ ان يراها او يسمعها، المطر ينزل و صوت البرق والرعد مخيف لهاذه الطفلة، التي تبكي في زوايا تنظر للشيطان الذي امامها تتوسل بنظراتها اليه لكي يسامحها و يعفي عنها لكن من دون جدوى فهي وقعت بين يديه و...
