انا احبك مابها زيف وخداع رغم الذي نخفيه والي نخافه

البارت الاخير

"""

"بالليل "
عند ديم الي الكل راح ينام وهي عند جملا نام فهد وكان كايد ينتظرها وطولت ماجت فقرر يروح يشوفها دخل وكان البيت ظلام شهد بغرفتها وجملا وسعود بغرفتهم دخل كايد غرفة الضيوف ولقيها فارشه بالارض هي ونايف ونايمين مع انها ماتحب نومة الارض جلس قدامها : ديم،، ام فهد قومي الله يصلحتس ليه نايمه هنه.
فتحت عينها : وش تبي ليش جاي احنا متزاعلين.
جلس وتربع وهو مرتخي عليها: عندتس ولدين ولا كبرتي للحين ،،مو دايم تقولين لازم نربيهم تربيه سليمه لايشوفونا نتهاوش ولا نتزاعل عشان نفسيتهم.
ديم : صح بس انت ماتساعدني تبي تضغط عليه وانا اسكت واعدي.
كايد: ضغطت عليتس بيش وش سويت عشان قلت مقدر اسفرتس.
ديم : اي ليه كل الرجال يقدرون وانت لا.
كايد: مع اني ادري انتس ماراح تعذريني بس ببرر لتس واحد ماعندي امكانيه اثنين انا رجال انولدت بالبر ماداني الطيارات ولا السفر ولا الرياض لو مادوامي مارحته .
ديم :  هذاك قلتها لو ما دوامك مارحت الرياض يعني تقدر تتنازل عشان دوامك بس عشان ديم لا.
كايد: تبين قطر.
ديم : لا مابي قطر ابي ياسويسرا يالنرويج.
كايد: انتي الي اختاري وحده من دول الخليج احمدي ربتس ربعنا ونعرفهم ولا اوديتس الطايف.
ديم : قوم اطلع برا وقفل الباب بنام.
ابتسم : ديم قلبي علامتس والله ماكنتي كذا وش غيرتس على كايد.
ديم : بنام نعست.
كايد قام : براحتس اجل فهد لحاله بغرفتنا انا ماشي دوامي الحين.
وطلع اخذ بدلته واغراضه وطلع قامت ديم شالت نايف وراحت غرفتها وهي ماتدري انها لعبه من كايد دخلت سريرها بعد ماحطت نايف بسريره ونامت بس شافها كايد رجعت البيت فتح الباب ودخل وهي نايمه تسلل عندها وكانت بنومة عميييقه دخل معها باللحاف يراقب عيونها خايف تصحى لفت
جهته تعدل نفسها وهي نايمه وفتحت عيونها على قبلة كايد على ثغرها وقبل تتكلم  سكتها بقبله ثانيه الجمت ديم  الي طاح كل الحطب من خاطرها ونست الزعل ،، سند انفه على انفها وبصوت خفيف: يازين الخفيفين بس .

"بلندن"
ياسر الي اكثر وقته يضحك العنود قصداً وهو يسولف وينكت ويذب على كايد.
العنود : بسالك ليش لما شفتني قلت هاذي انتي .
ابتسم : بقول لك بس ماتقولين لكايد عشان ماتصيرين ارمله.
العنود وهي ميته ضحك : لا والله ماقول له.
ياسر : لما شفتك ليلة تمايم ولد كايد فكرتك مرته يعني الشهاده لله اني كنت ابي انسى شكلك عشانه هو.
العنود: يعني خطبتني وانت ماتدري انها انا.
ياسر : ايه خطبتك لاني ابي من بنات سعود ابي من بنات الديره بس يوم شفتك طار عقلي وطار قلبي معه عشان كذا قلت هاذي انتي.
كانت العنود تسمع سواليفه ولطافته.

"الصباح"
صحى كايد وكانت ديم واقفه على المرايه تمشط شعرها : صباح الخير ياديم قلب كايد .
ماردت عليه ، يردف : حبيبي فيتس شي.
لفت له: احنا متزاعلين.
شالً اللحاف وجاء عندها : نعمممم ومو تصالحنا البارح.
ديم : لا ماتصالحنا.
كايد: والي صار البارح وشنهو.
ديم : الي صار حقوق وواجبات زوجيه فقط.
خذت جلالها وطلعت تساعد شهد على الفطور وكايد واقف مستمر مكانه : على كيفتس حقوق وواجبات زوجيه انا اعلمتس هين.
طلع فهد من الغرفه يفرك عينه : صباح الخير بابا.
كايد شاله يبوس خده : صباح النور يابوي انت.
فهد : وين ماما.
كايد: امك شانه الحرب علينا تصبح براي  وتمسي براي ثاني.
فهد: وش يعني.
كايد : لا مافيه شي غسل وفرش اسنانك وتعال نفطر بالحوش مع جدك وعمانك.
وطلع كايد وفهد بعد ماغسل وفرش اسنانه: صباح الخير.
سند: صباح النور .
كايد: صبي قهوه يم فهد.
ديم طالعته : القهوه قدامك.
سعود رفع عينه فيها والكل استغرب كلمتها وقال كايد : لا ابيها من يدتس.
ديم خذت الترمس تصب له وتعمدت تكب شوي على يده ،،كايد شال يده بسرعه : ابو فهد.
الكل : اسلم اسلم.
سعود: عطي عطي غزل تصبها عنتس.
خذت غزل الترمس وصارت تقهويهم.