انا احبك مابها زيف وخداع رغم الذي نخفيه والي نخافه

بارت ٦٨

العنود حاضنه بتال وتصيح : والله ماسويت له شي بس عرف انك عطيتني فلوس .
قرب كايد : سامحيني وانا اخوتس حقتس عليه لكن والله ما ترجعين له وانا حي.
العنود: ذبح ولدي يابتال كان ولد شفته كان ولد.
بتال ماقدر يتمالك دمعته الي نزلت : صدقيني خيره هذا مايتعاشر ابن ستين كلب .
سمع كايد الاصوات تعالت عند الباب وطلع ركض وهو يعرف صوت ابوه : وشلون ولدك يمد يده على بنتي .
ابو مطلق الي متفشل: حزة شيطان يابو كايد..
كايد بغضب : الشيطان والله ولدك الخسيس لكن والله مايربيه غيري لو اروح فيها اعدام والله.
سعود: ماهو وقت هالكلام.
ابو مطلق : الموضوع بسيط ان شاء الله وبنحله وبنتكم حامل بحفيدي.
كايد: حفيدك ذبحه ولدك اختي ماعاد يربطها بولدك شي هي كلمتين يايطلقها ياوالله والي خلقني اني لا اذبحه ذبح الشاه.
سعود: كايد الكلام ذا مايصلح ماعندنا بنات يتطلقن هاذي قاعدة ياكايد.
كايد: الا فيه فيه اختي بطلقها منه وبحطها بين رمشي وعيني صبر امهاتنا مايحتملنه خواتنا وهالقاعدة انا الي بكسرها وبكسر كل راس يشوف انه كبير .
وتوجه لغرفة العنود وابوه يتكلم وهو سافهه .

"بجورجيا"
ترف وسند الي قضو كل يومهم براء
دخلو الفندق نزلت ترف عبايتها : الجو حلو مو برد.
سند : وش تبين بالبرد.
ترف: احبه .
سند : تعالي تعالي ابيتس .
ترف جلست : وش فيه.
سند: كلمتس نجد عن المعالجه الي بالقصيم .
ترف تنهدت : ايوه .
سند: لاتتنكدين ماتبينها والله ماتروحين.
ترف : الا بنروح اذا رجعنا السعوديه .
سند: بتال يقول تعالو عندي طول مدة العلاج لانها تعالج بالتمريخ.
ترف : الي تبيه .
سند: لاوالله الي تبينه انتي .
ترف ابتسمت : بنروح.
قرب وحضنها : ان شاء الله على خير.

"بعد اسبوع"
العنود في بيت اهلها حاولو اهل الديره يحلون الموضوع لكنها رفضت رفض قطعي انها ترجع خصوصاً ان خوانها بظهرها واقفين بوجه ابوهم حاول ابو مطلق يرضي العنود بفلوس ولكن رفضت ورفض كايد الي للحين مقهور ومغبون عليها رجعو سند وترف من السفر ونفسيتهم كانت مره حلوه العنود تطلقت بتال رجع بيته بداية الدوامات وسند قرر هو وترف يجلسونً عنده هالفترة ويشوفون المعالجه مشت الايام والشهور .
دخل كايد بيت اهله : عنود .
جت عنده : سم.
كايد : اقعدي ابيتس.
جلست العنود: سم.
قعد جنبها: خلصتي عدتس وياسر رجع خطبتس مني.
عنود: بس هو يدري.
كايد: اي يدري بلي صار كله ويقول ابيها وانا اعرفه رجال ونعم فيه سخي وطيب وولد  رجال عشان كذا ابيتس تستخيرين وان مابغيتيه انا معتس بلي تبين ابد العين اوسع لتس من البيت.
عنود: طيب خلني افكر واستخير وارد لك.
كايد قام : على بركة الله.
كانت عنود خايفه من التجربه الثانيه خصوصاً انها لسى بصدمة مطلق والي سواه وطبعا كان يمد يده ولكنها ماكانت تقول لاحد الين تجاوز كل الحدود وسعود كان زعلان على كايد ومايكلم العنود ابد.

"بالقصيم"
سند وترف واقفين بالسياره قدام بيت المعالجه : هاذي ثلاثه شهور بدون فايده
سند: خلاص  ماتبينها رجعنا الديره.
ترف : لالا ابيها انا كلمتها وقلت ان الدوره متاخره بس نفس كل شهر قالت عادي تعالي.
سند: اجل توكلي على الله وانزلي.
ترف نزلت عندها وهي حاسه ان روحاتها بدون فايده وقررت انها تكون اخر روحه لها وبترجع لديره وتوكل امرها لله لانها حرفياً طقت كبدها ماطولت ترف ورجعت : عطتني ذا تقول اذا نزلت الدوره خذيه.
سند خذاه ورماه مع الشباك.
ترف : ليييه دافعين فيه ٥٠٠ ريال.
سند: خليها تنقلع والله انها نصابه ياشيخه لكن خلينا نمشي لديره ثقلنا على بتال ونجد.
ترف: ايوالله اصلا ابي بيتي.
سند: يالله بنروح نتغداء معهم ونرجع ديرتنا.
ترف : يالله توكلنا على الله.
وحركو لبيت بتال الي كان هو ونجد الوحيدين الي يدرون بموضوع المعالجه كانو يحاولون فيهم يجلسون عندهم بس عيى سند وترف نفس الشي تغدو وحركو للرياض.
"بعد اسبوع"
جات العنود عند كايد : كايد انا فكرت بالموضوع وموافقه.
ابتسم :  الف مبروك ياحبيبة اخوتس ان شاء الله انتس ماتندمين .
عنود كانت خايفه بس وافقت من ابوها الي مستحقرها بس لانها تطلقت وهي مالها ذنب .