انا احبك مابها زيف وخداع رغم الذي نخفيه والي نخافه

بارت ٦٦

"بيت سند"
دخل شايل اغراض : ترف .
ترف طالعه من المطبخ :  هلا حبيبي.
سند: وش تسوين.
ترف: اسوي لنجد اكل جاء بخاطرها بورق عنب
ابتسم وباس خدها : يازين الحنونين بس.
ترف: جبت دبس الرمان وليمون
سند: اي جبته كل الي ارسلتيه جبته الا ورق الزبده يقول مخلص.
ترف: مو مشكله اجلس انت بحط لك اكل.
مسكها بيدها : وش غداتس.
ترف : سويت لك شاورما قالو لي البنات انك تحبه فقلت اذوقك اياه من يدي.
سند : انتي لو تعطيني سم فيران انا راضي.
ضحكت : لابسم الله عليك،، تعال ناكل بالمطبخ عشان ريحة الطبخ .
قام سند وراحو للمطبخ وجلس وبدا ياكل وترف تكمل ورق العنب وتسولف معاه.

"بغرفة كايد
ديم تبدل لفهد: تكفى ماعاد ابيه يروح الا معك اخاف عليه.
كايد : يابنت الحلال انتي حصنيه واستودعيه الله ولو الله كاتب له الموت ماني راده عنه بعدين ماني مزعل خواني وطاردهم عن ولدي.
ديم : صح كلامك بس انا اخاف عليه.
كايد مسكها بكفوفها : ديم ياعين ابوي انتي اكيد اني اخاف عليه انا بعد ابوه لكن الي تسوينه ماينفع .
حضنت وسطه : الامومه حلوه وصعبه الخوف على فهد يتعبني.
كايد : الا بنشتدس وش قررتي تسمين اخو فهد.
ديم ابتسمت : انت سمه متنازله لك بالاسم.
كايد : اجل اسمه نايف
ديم ابتسمت : حلو نيوفي وفهودي.
كايد ابتسم : الله يجيبه بالسلامه ويخليتس لنا،، الحين انتي في كم.
ديم : بالسابع .
كايد: هانت ان شاء الله.
ديم: تدري مابي اجيب بنت.
كايد  باستغراب : ليه
ديم: عشان ماتحبها اكثر مني،، يقولون البنت تاخذ مكانة امها بقلب ابوها.
كايد: افا بس والله ماحد ياخذ مكانتس  انتس متربعه بوسط قلبي وعقلي .
ديم : خليك انت وعيالك دلعوني.
كايد : ابد الي تبينه.
قاطعهم فهد الي يسحبه بيده : يالله بابا مسينا.
كايد قام: يالله مشينا عمك ينتظرنا.
وطلعو

"بغرفة بتال"
نجد : سم دواك.
مسكها بيدها : انتي دواي وعلاجي وطبي.
ابتسمت : بتال اذا شفتني مابيك لاتزعل مني .
قاطعها: فاهم عليتس لاتخافين ادري انه من الحمل امي اذا حملت كانت تنفر بنا.
نجد: اذا ولد وش بتسميه.
بتال: كايد .
نجد: واذا بنت.
بتال: عاد البنت عندتس.
نجد: انت وش تبي ولد ولا بنت.
بتال: الي يجي من الله يامحلاه كلهم نعمه.
اندق الباب وقامت نجد وكانت ترف جايبه ورق عنب : خذي هذا لتس.
نجد بدت تاكل وتتلذذ بطعم الليمون والدبس : امممم تسلم يدتس ترف ونخدمتس بالافراح.
ترف : فرحتس هي فرحتي،، بروح سند ينتظرني .
وطلعت ونجد دخلت عند بتال وهي شايله الصحن وتاكل وهو يطالعها.
ابتسمت ودخلت وحده بفمه : ذوق امانه مو يجنن.
بتال بلعها بالقوه: ماحبه كليه جعله بالعافيه.

"العصر"
نجد وترف وديم جالسين بالجلسه وترف وديم يلفون ورق عنب ونجد مبعده شوي ويسولفون.
ديم : اووف ياربي متى اولد احس راحت طاقتي.
نجد: تكفين حمسيني لاتقولين كذا قدامي.
ديم: انتي بكر البكر غير حملته حلوه بس الثانيه متعبه شوي.
نجد: والله لازم اعوضكم بعدين ،،جالسين تلبون طلباتي.
ترف وهي تمسك ظهرها شوي وشوي ترجع تلف: اوووف ظهري.
ديم : ارفعي صحنك على المركى عشان ظهرك.
نجم: خلوني اساعدكم طيب.
ديم: لا لو ساعدتينا ماراح تاكلين كذا هو الوحم.
دخلو العيال على هالمنظر نجد متكيه وترف وديم يلفون ورق عنب.
سند : ماشاء الله عليتس مشغله حريمنا عندتس وانتي متكيه.
نجد: وانت وش دخلك اختي وبنت عمي كيفنا .
كايد : ديم قومي ياقلبي انتي حامل
والارض بارده عليتس.
ديم ابتسمت : لا ماعليك مافيه برد.
سند: قومي ياترف خلاص الي جاها يكفيها وجه العنز.
بتال سحبه برقبته لصدره: وجه العنز منهو.
سند : مرتك.
بتال يشد عليه
كايد: بتال خله لايعورك.
بتال : ماني مخليه لين يسحب كلمته.
سند: خلاص ابشر وجه العنز ديم.
ديم التفت له : والله انت الي ركبة عنز وناقه بعد.
كايد: كفو ام فهد العنيه.
ترف: ديم  الا سند عاد وعاقبٍ لتس مافيه ورق عنب
ديم دفت الصحن : مابيه انا ساعدتس عشان نجد ولا انا يجيب لي حرقان.
رفعت يدها لكايد الي ساعدها توقف.
وراحت لغرفتها.
ترف : ياويلي زعلت.
سند: لا ماتزعل شوي تجي عادي وتسولف .
كايد  الي اول مره يشدها كذا مع حريم خوانه : ياويلتس انت وياها لو مايجي لديم من ذا الي تسوونه.
سند الي بس يبي يحشره: ايه وش اسمه ذا.
كايد : مدري وش اسمه مير ديم يجيها صحن لين عندها.
ترف  وهي منخرشه : ابشر .
سند: على كيف  من ابشر يخسى  مايطب فمها.
نجد: انت وش دخلك بتال جايب الاغراض .
سند : وش دخلني اجل ؟ مرتي هي الي بتزينه لتس ياوجه البومه .
نجد: حنا خوات قبلك لاتدخل بيننا.
سند: احمر الخدين لي دخل ولالا.
ترف ابتسمت : الا لك دخل ونص.
وقامت تشيل الاغراض وتوجهت لمطبخها ولحقها سند.
كايد : انا بروح اغير واجيك نروح للعزبه.
بتال: طيب .
نجد وقفت : شقال لك الدكتور.
ابتسم يقرب منها : يقول دام نجد هي الي تحوفك ابدا امورك زينه.
قربت وباست خده : احبك .
كايد: استترو طيب.
نجد انحاشت للبيت وبتال يضحك وخذا حجر ورماه على كايد الي دخل وقفل الباب بس عشان يزعجه وكايد يضحك.