انا احبك مابها زيف وخداع رغم الذي نخفيه والي نخافه

بارت ٦٥

"عند البنات"
جات ديم وجلست : يارب مايصير مشكله على كايد بسبب هالناقه.
سعود: اي ناقه.
ديم حست انها جابت العيد: مدري فيه ناقه على الخط وراحو يجيبونها.
سعود  دخل يده بجيبه : جوالي وينه انقزي ياشهد جبيه.
شهد نقزت وطبعا جوال سعود بدون رقم سري وكانت الاتصالات والرسايل دخلت شهد بقروب الديره الي سعود ماهو معترف فيه وشافت صورة حادث سيارة بتال والكل الي يترحم والي يدعي له بالشفاء شهد جات تركض وهي تصيح : يبه بتال مات .
الكل فز وسعود عجز يقوم من الصدمه
الي يصيح والي يتصل والي يطمنهم .
ديم كانت جالسه مكانها متسمره وصارت تصيح بدون صوت وصدرها يرقع : فففههدد ووويييننه.
ترف جلست عندها وخمتها : ديم اهدي انتي حامل واهل الديره ميتين على الكذب والاشاعات .
نجد خطفت الجوال من يد شهد واول ماشافت السياره الي من شافها يقول راعيها مايسلم داخت عليهم وطاحت فاقده الوعي فاطمه : نجد نجد .
وراحت يمها تركض .
ديم قامت تركض برى بدون عبايه وتصرخ وتصيح وتضرب نفسها وتنادي فهد بكل قهر وحرقه تركض من غير وجهه وعمها مشعل يحلقها لكن كبير سن ما قدر يجاريها بالركض فتحت باب الحوش ومكلمه وهديل خذت شماغ ابوها لفته على راسها ولحقتها كملت ديم ركض مسكها شاهر الي كان جاي يعطيهم الخبر بهدوء غطاها بشماغه وطاحت ديم بين يدينه فاقده الوعي ودمها مغرقها شاهر عرفها تذكر شكلها بعزاء هذال.
شوق انصدمت وهي تشوفها تنزف : شاهر ديم تنزف ،، ديم حامل .
وصلت العنود بعبايتها وخذوها شوق وشاهر للمستشفى وخذت العنود شيهانه الي كانت تبكي بس ماحد مهتم .
شوق الي مع ديم ورى : شاهر بسرعه بسرعه تكفىً .
شاهر: اهدي اهدي وحاولي تصحينها. .
شاهر طاير وشوق تصيح وديم فاقده الوعي وتهلوس باسم ولدها.

"بالمستشفى "
لف لمطلق الي تقدم عنده وسنده : قم قم معي.
سند: بتال وينه.
مطلق: في غرفة العمليات للحين ماجاء عنه خبر.
سند: من الي صدمهم.
مطلق:حرمه غريبه عن الديره وهي المخطيه.
سند: فهد وينه.
مطلق: منهو فهد.
سند وهو يكفكف دموعه : ولد كايد عمره ٣ سنين.
مطلق : ماذكرو لنا ان فيه احد معه لكن .
سند: لكن ايش انطق.
قطع عليهم صوت شاهر الي يعرفونه زين وهو داخل شايل ديم : حامل تنزف.
كايد التفت وكأنه ناقص يشوف خاله يشيل ديم ،،كايد الي كانت رجوله عاجزه تشيله فز يركض يمهم وشالها من يده وهو ثاير بس هدى لما شافها بحجابها لانها كانت جالسه معهم بالحوش بحجابها عشان اخوانه .
شوق : كايد ديم تنزف.
كايد الي كان عنده همين صارو ثلاثه سلمهم ديم الي فتحت عيونها : كايد وينه فهد تكفى قول لي ان فهد بخير تكفى يابو فهد.
كايد هز راسه: فهد طيب والله انه طيب .
حلف لديم عشان تصدقه وهو بداخله يستغفر ربه لانه يدري انه كذاب ولكن اضطر يحلف ويكذب خذو ديم وقفو الباب وهي عينها على كايد وماده له يدها لف على صوت العسكري الي قال : هالولد كان بسيارة بتال سعود كايد ماكلمتو اهله.
التفت كايد  يشوف فهد بيده معه حلاوه مصاص ومافيه شي ولا حتى خدش انطلق كايد يركض  يم العسكري وكان وقتها سند جاي يركض من الجهه الثانيه  على نفس السبب والصوت كايد وقتها حس ان قلبه رجع  ينبض قلبه الي طار رد لصدره وبين ضلوعه ماكان مصدق انه شايف فهد وياطول الطريق وقتها على كايد الي ماهو مصدق ان فهد طيب مافيه شي شاف سند الي خطفه من يد العسكري : ياعمي ياخلف ابوي انت .
كايد وقف وانهار بكي ماكان يدري وش السبب لكن شوفت فهد بخير هزت قلبه اجش بالبكاء شوق كانت واقفه تناظره واول مره تشوف كايد ضعيف كذا شاهر جاه ووقفه وحضنه : فهد طيب انت علامك.
كايد كان محتاج هالحضن لف على صوت فهد الي قال : كوكو.
لف له كايد وشاله من يد سند وحضنه : ياحبيب ابوك انت ياقلب ابوك ياخله ومله ليه تروعني.
بعد فهد عن كايد يشوف دموعه وانهار ضحك : بابا يبكي.
كايد مسح دموعه ورجع خمه فهد دخل الحلاوه بفم ابوه صد كايد يبعدها
وراح جهه غرفة ديم .
شاهر للعسكري : وين لقيتوه.
العسكري : انا اخذته من الموقع كان خايف ويبكي فحصوه المسعفين وكان طيب الضربه جات بابوه.
شاهر: ماهو ابوه عمه.
العسكري: ماشاءالله حماه بجسمه وكأنه ولده فقد الوعي وهو حاضنه وصلنا الموقع وهو بحضنه الواضح كان خايف عليه  جاته ضربه بالراس وانهل  القزاز كله بوجهه ،،الله يقومه بالسلامه
سند انقهر ونزلت دمعته وهو يسمعه انسحب وجلس وهو يصيح عند بتال الي كان له مثل التؤام معاه بكل شي كان اقرب له من كايد جلس يتذكر بتال ودموع تصب اما كايد على قد ماتطمن على فهد كان حزنه اقوى على بتال الي مايدري وش صار عليه طال الوقت وهم ينتظرون خبر عن بتال والساعه صارت ساعتين وثلاث وكايد راح جاي مابين ديم وبتال وهو شايل فهد بيده حاول ياخذه شاهر بس عيى كايد الي ماصدق انه لقاه تشعبط فيه ومعيي يخليه لشاهر.