انا احبك مابها زيف وخداع رغم الذي نخفيه والي نخافه

بارت ٦٤

"""

"بعد اسبوعين "
سند وترف بغرفتهم كانت تركض وهو يلحقها فتحت الباب وكانت جملا بالحوش واقفه ترف دخلت وراها: خالتي فكيني منه.
سند جاء : تعالي نتفاهم بغرفتنا.
ترف: لا ماني جايتك .
جملا : علامكم.
ترف : شوفي خدي خالتي واذا جيت اعضه يرفض.
سند: ترف تعالي احسن لتس.
امه سحبته باذنه : حنا ليش زوجناك.
سند وهو ميت ضحك : ما انصحتس تسمعين الاجابه.
جملا توسعت عيونها وبحده : سند والله ان عاد اكلت خدودها ما سلم عليك فاهم ولالا.
سند حس الموضوع جدي : خلاص ابشري ابشري يابنت مخلد.
جملا : احلف ماعاد تاكل خدودها.
يضحك : تكفين يمه مو كذا.
جملا : بتحلف ولالا.
سند: هي تبيني اعضها.
لفت لترف : صح تبينه يعضتس.
ترف بضحكه : بشويش.
جملا ابتسمت وتركت سند : رحو اكلو بعضكم بعيد عندي.
وراحت غرفتها وسند وترف ميتين ضحك .
سمعت صوت طالع وراحت ركض لغرفتها وسند ميت ضحك عليها : خبله والله انتس خبله تدرين انها لو خلتني احلف ماعاد عضيتس بس خبله ضيعتي الفرصه عليتس.
قربت عنده تعدل ملابسها وتبعد شعرها ورى اذنها : انا ابيك تعضني بس مو تاكلني بشويش يعني.
يضيع في تفاصيلها خصوصًا حركة الشعر هاذي تجيب اجله اذا بعدت شعرها عن خدها وبان حمار خدها اكثر : جعلني فداتس.
ترف : مجار جعله بعمري.
سند : الحمدلله انتس صرتي لي.
ابتسمت  واردف: تبيني اشوف الغمازه.
ترف صارت تمثل الابتسامه: هه شوفها.
باسها بغمازتها.
ترف : سنود بروح عند امي شوي بخلص اشغالها رجلها تعبانه .
سند : ابد متى مابغيتي امتس بدون ماتستاذنين الباب بالباب.
باست خده : يخلي لي ياك ياقلب احمر الخدين انت.
سند: لا لا كذا اعيي اخليتس تروحين.
ترف مدت شفتها السفليه بدلع : ليييييه بس .
ابتسم: خلاص رحي وانا بروح اعبي السياره بنزيم واجيب عشاء.
ترف : لا لاتجيب تعال نطبخ سواء.
سند: تمً اجل شفي وش ناقصتس من اغراض ارسليها لي واتس .
ترف : ابشر .
وخذت عبايتها راحت لامها وسند ركب سيارته وحرك.

"عند نجد وبتال"
الي مقضينها فنادق وينامون احياناً عند سعود واحياناً في الشقه واحيانا .
كان بتال جالس على الكنبه جات نجد وجلست جنبه : حبيبي.
بتال رفع عينه بابتسامه: شقلتي.
نجد: حبيبي .
بتال: سمي.
نجد : خلنا نطلع نتعشاء براء
بتال:  ابد نطلع نتعشاء ليش لا.
نجد قامت : خمس دقايق بس واصير جاهزه.
بتال ابتسم: خذي راحتس.
وجلس ينتظرها وهي تبدل وتلبس عبايتها.

"بيت سندً"
بالمطبخ.
سند: وش تعشينا
تنطق بدلع : بعشيك ياطويل العمر خدودي
يبتسم : والله اني ما وافرها فحاولي تنسيني الموضوع.
ترف : اممم طيب بعشيك مسقعه يونانيه لذيذه ،، خل اشوف اذا جبت الاغراض.
ترف كانت تتجول بالمطبخ وسند يتأملها وماهو مصدق عيونه : تخطين على قلبي ايوالله.
ترف: يابعد قلبي انت وقلبك.
سند : وش اساعدتس فيه.
ترف: قطع الثوم والبصل وشكرا.
سند : ابشري
وشمر اكمامه وبدا يساعدها .
ترف: وراح تقلي ترا لاني انا بشرتي تحمر من حرارة الزيت.
يبتسم : اييه اتذكرتس زمان يوم كنتي تطبخين وتحمر خدودتس .
ترف : وسميتني احمر الخدين.
سند : لا انا مسميتس احمر الخدين عشان خدودتس المورده الي سلبت عقلي .
وقربً منها وباس خدها  ورجع  يقطع البصل ودموعه تصب وترف تضحك: جبت خبز عربي ابيض.
سند: ايه جبت وجبت ببسي لتس
ترف : وانت
سند: حمضيات.
ترف : حلو يالله الحين نكشن اللحم المفروم.