بين السطرين / متوقفة النشر

مقدمة

مو كلشي نكتبة . نقصدة
مو كلشي نقصدة . نعرف نكتبة

اكو كلام ينگال. واكو كلام ينبلع، يضيع بين الانفاس ،ينحبس بين النضرات ، يضيع "بين السطرين"
احنا كبشر . مانعيش بس بالأفعال.... نعيش بالسكوت، بالنضرات ، باللمحات اللي تمر وماتنحچي .
مرات نكتب رسائل مانوصلها. ومرات نكتب سطور ننسى نقراها عدل..

" بين السطرين" هو المكان اللي نخّبي بيه . خوفنا . حبنا . ضعفنا . وحتى أحلامنا .
هو المساحة الرمادية بين الصح والغلط ، بين الجرأة والندم،، بين الحقيقة واللي نتمنى يكون
حقيقي ،

الحياة ماتمشي بخط مستقيم .. اكو انحناءات ، مطّبات . وأحياناً نلگى نفسنا نحب من غير مانختار .

نشتاق من غير مانحچي . وننجرح من غير ماحد يلمح

وهنا ، تبدأ الحكاية...
مو من أول سطر، ولا من آخر نقطة.

تبدأ من المكان الوحيد اللي نكتب بيه نفسنا بدون رقابة ،

" بين السطرين".

مبدأياً هذا بس مقدمة للرواية......