انا احبك مابها زيف وخداع رغم الذي نخفيه والي نخافه

بارت ٦٠

"مرت اربعه شهور"
هديل الي قضتها متنقله مابين الرياض ‏ والديرة  كانت تنيم اسر الي رجعت علاقتها فيه اقوى من قبل بعد ماقررت هديل تعوضه عن بعدها عنه دخل ثنيان عندها : جيتي.
لفت بابتسامه: اي جيت كايد مداوم وجيت معاه.
قرب منها وباسها بخدهاً بقوه وبابتسامه : هاه فيني ريحه ولالا .
ابتسمت : فيك ريحة .
تلاشت ابتسامته : لا لا.
باست خده تشمه بقوه : فيك الريحه الي احبها .
ازفر شهيقه من فمه بقوه : اووووه اخيراً ،، خلصي باخذك مشوار.
هديل : وين.
ثنيان : بطلع معك نتقهوى ونروح نشيك على هذال وصحته.
هديل : هذال بخير ويسلم عليك.
ثنيان : الحين ليش ماعندك بطن.
ابتسمت : يمكن لاني كذابه ماني حامل.
ضحك  يميل راسه : انننن اسر نام.
عطته اياه : خذ وده عند ليزا وانا بجهز قبل تغير رايك.
ثنيان : ماني مغير رايي لاتخافين.

"بالديره"
عند فهود ونمر الي صارو يمشون وصقر ناشب لهم بكل خطوه .
دخل صقر يركض وكايد يلحقه بنعاله بعد ماطيح فهد بالحوش وديم تسكته دخل صقر ورى امه ينطق كايد بحده : يمه فكيني من ورعتس ذا والله لذبحه ذالسلوقي.
مسكت جملا  كايد بشعره بخفه : ليه يوم تذبحه ماعنده ام وابو يجنبونك عنه.
ابتسم : يايمه جنن ولدي ولا يبي نمر يلعب معه ناشب لنمر وقاعد لفهد تراني بجلده والله.
صقر: ولدك رخمه .
كايد : انت الرخمه الي تضرب ولد اخوك.
جات ديم شايله فهود الي على طول مصاصته بفمه على كثر ماحاول كايد ينسيه اياها الا انه ينهار يبيها ،،واول ماشاف ابوه سحب نفسه عنده شاله كايد :  تعال ياعين ابوي انت مير لو تنفك من البلوه الي تمصها كان امورك زينه.
وسحبها وبكى فهد وردها كايد فمه.
ديم : خالتي بالله شوفي صقر يضرب فهد.
جملا: والله اني تعبت وانا اعلمه مير ان عاد جاكم لاتدخلونه عندكم .
ديم : وكايد ماراح ياخذك للبقاله.
صقر : عادي سند ياخذني.
ديم: ماخربك الا سند.
راحت للبنات بالمطبخ وكايد جلس هو وامه ينتظرون القهوه ونمر وفهد الي كانهم تؤام بكل شي الا عاد اشكالهم وصقر ناشب لهم .

"هديل وثنيان"
طالعين من المستشفى وراحو كوفي هديل عطتهم الورقه مكتوب فيها جنس البيبي وعلى هالاساس جهزو لهم كيكه صغيره وتكون من الداخل ازرق او وردي
ينطق ثنيان يفرك كفوفه : مره متوتر.
هديل : ياخي انت عندك ولد وش تبي.
ابتسم بحزن : ابي هذالً مابي هالاسم ينقطع من البيت.
مدت يدها ليده وشدت عليها : بيجي هذال ان شاء الله لاتتوتر متاكده انه ولد.
قطع عليهم طلبهم الي وصل وزاد التوتر.

"بالديره "
دخل شايل ظرف فلوس هو  وبتال.
كايد : وش ذالي معك.
سند: مهر احمر الخدين ولا ناسي ان زواجنا بعد سته شهور  ما اخرني الا حمل هديل الله يهديها دايم وقتها غلط.
جملا ابتسمت : الله يهديها؟ انت وش تقول .
جلس يتربع: ماعلينا كم تتوقعون مهرها.
كايد: كم يعني ستين نفسي
سند : لاوالله مية الف اجل ولد سلطان يعطيها مية وانا ستين .
كايد : كذا يعني .
سند : عشان تعرفون ان احمر الخدين مو مثل باقي البنات.
كايد : ابوي كيف عطاه ميه الف
بتال: خمسين سلف .
كايد: كيف يعني.
بتال: اخوك الخبل اخذ قرض على ابوي فهمت وبيسدده لابوي بعدين.
كايد: يدور الشقى والله.
ديم : الله من الهياط عندك .
سند بضحكه : اقول البخي بس مسكتينتس بستين  الف .
ديم : والله انا شاريه كايد الي كل الرجال مايسوون نعاله .
انهارو ضحك ينطق كايد : لا لا ياديم مو كذا.
ديم : الا كذا واولهم هالسند التعبان.
سند : اجل قمي سوي لنا اندومي.
ديم : مابي اسوي خل احمر الخدين تسوي لك .
جملا تهدي الوضع : الا متى بتودي المهر.
سند : بغيت اوديه وعيى ابوي يقول لين اجي .