انا احبك مابها زيف وخداع رغم الذي نخفيه والي نخافه

بارت ٥٨

"بالمقلط"
بعد سهره ممتعه هديل وبتال وسند الي جاب فهد : هديل اخذيه عن امي .
تنطق : انا عندي اسر وصقر مقدر ثلاثه معليش.
بتال : عنود وشهد مانهم ولا فايده.
هديل: حرام عليك شهد تعبانه وعنود ماتقصر بس نايمه،، المهم امسكوه انتم.
سند توسعت عيونه : واذا بكى وش اسوي فيه.
بتال : رضعه ديدك.
ضربه سند على راسه : رضعه انت ياكلب.
هديل: اهجدو بعلمكم وش تسوون دقيقه هاذي الرضاعه الين رقم ٤ مويه بملعقتين حليب. وبس المهم المويه تكون دافيه شوي.
سند : خلاص فهمت خل اتعلم وراي عرس ووراعين.
هديل: وتقول كوكو خفيف انت ريشه والله.
يبتسم : قمي انقلعي ارقدي بس خليني اتفاهم مع هالقطمه.
قامت هديل وسند يلعب مع فهد الي توه يعرف يجلس و بس يضحك وسند خاق عليه وكل ماسكت رمى عليه كلمه عشان يضحك ضحك فهد ومال على ورى ويطيح على راسه ويبكي.
رمى سند الرضاعه وشاله يسكته : خلاص تكفى لا تصحى امي.
بتال كان منسدح يضحك على شكل فهد وهو يطيح وسند ماسك ضحكته لانه جالس يسكته.
وبعد محاولات سكت فهد وطفى سند النور وصار يرضعه نام فهود بعد ساعتين معافر ونامو كلهم بعده .
طلع الصباح وصحى كايد الي جاي يدور ولده دخل عند امه بهدوء : يمه فهود وينه .
جملا: مع خوانك بالمقلط .
راح كايد ياخذه الا يشوف هالمنظر قدامه.
سند نايم ومتوسد فهد وهو مايدري كان راس سند على بطن فهد ونايمين اختبص كايد ونزل عند ولده يشوفه اذا يتنفس وكان نايم ويتنفس ولف لسند وسدد له كف سند فتح عينه بفزه : وجع هاه .
كايد : وراك متوسد ولدي.
اعتدل يكمل نومته ميت نوم ولا هو يم كايد الي شال ولده واغراضه وطلع لديم الي كانت تنتظرهم واول ماشافته : جيبه جيبه ذبحني الحليب بصدري.
دخل وقفل الباب وخذت ديم فهود وجلست ترضعه وكايد يطالعهم : الله يخليكم لي.
رفعت يدها تمررها على لحيته : ويخليك لنا ،،وين لقيته.
فتح جواله يورها صورة سند وهو نايم على فهد وانهارت ضحك : ياويلي ذا بيتزوج ويصير اب.
كايد: الغريب ان فهد مادرى عنه .
ديم : ياعمري خالتي شكله تعبها.
كايد: لا ماعليه امي تعرف لهم بس قلي كثرو عليها الله يحفظهم.
فتح فهود عيونه وكان مرووق وبس شاف وجه امه ابتسم ومد يده لفم ديم الي معودته على هالحركه تعض اصابعه بشفايفها وهو مبسوط.
وقفل عيونه يكمل نومته بكل راحه وأمان بحضن امه.
تبتسم : ياعمري تطمن انه معي ورجع نام.
نزل كايد باس جبينه وباس خد ديم : بروح اجيب فطور نسكتهم عنا.
تنطق بضحكه : اي رح يمكن ينسون الي صار.
كايد: لو كلاٍ ينسى سند ماينسى ابد.
وقام خذا بوكه وطلع وديم حطت فهود بسريره بعد ماشبع ودخلت باللحاف تكمل نومتها على مايجي كايد.

"في بيت مشعل "
لطيفه تفطر مع ام ترف : ضحك عليها كالعاده ماصدقت على الله سرت معه وخلت ولدها .
ام ترف : انتي وش تبين ببنتس تحاربينها.
لطيفه باستغراب: انا احارب بنتي؟
تنطق : ايه يوم انها تبي رجلها ليه تعيين ولا ناسيه ان بينهم ولد متى بترضين وتخلينهم بحالهم .
لطيفه : مشكلتكم نظرتكم للحياه محدوده ماتنظرون للمستقبل.
ام ترف: افطري افطري الله يهديتس بس.
لطيفه: مثلاً ترف المفروض تزوجينها واحد يسكنها الرياض مو يدفنها هنا بالديره.
ام ترف : لا لا خلي بنتي عنك وانشغلي في بنتس بنتي ماتاخذ الا سند ولا حابها مثل سند حنا ماندور المظاهر ان كانه يحبها لو يسكنها تحت شجره ويظللها حنا راضين.
تطالعها لطيفه باستنقاص وتكمل فطورها.
ومنيره ماتدخلت بالنقاش ابد