انا احبك مابها زيف وخداع رغم الذي نخفيه والي نخافه

بارت ٥٧

لحقت هديل كايد وكان بسيارته: بتروح ماشفت اختك ياكايد.
كايد الي كان مغيببب وناسي هديل نزل وفتح لها يدينه وحضنته هديل : سامحيني والله اني نسيتس.
باست راسه : ماعليه ياخوي معذور.
كايد : وش اخبارتس عساتس طيبه.
تنطق بقهر وهي تشوفه حزين وذبلان : ايه الحمدلله بخير ،، انت وش اخبارك.
رفع عينه يطالع فلة عمه : عايشين .
هديل : انتظرني بخاويك للديره.
هز راسه بطيب وسند ظهره على سيارته وهديل دخلت تركض رفع راسه الا يشوف ديم الي تطل عليه من شباكها وتلاشى زولها اول ماشافته ابتسم
ونزل عينه.

"مرت ثلاثه شهور"
وديم رافضه تسمع كايد وهو رجع كايد الصامت المنعزل كشخصيته قبل يعرف ديم صار يداوم كثييير يمسك خفارات عن اخوياه عشان يتهرب من واقعه ومن تفكيره خلال هالثلاثه شهور كان يجي يشوف ولده مره بالاسبوع ويحط له مصروفه بلفته ويروح اما ديم سجلت بنادي اشتراك سنه ونفس وضع كايد تحاول تشغل نفسها ،،فهود الي صار بشهره الخامس بدا يكاغي ويتفاعل مع ديم الي لو ينخدش خدش بسيط تنهار من كثر ماهي متعلقه فيه ويالله تروح النادي مع هديل وتتركه عند امها او عند مرت ابوها .

"بالديره "
دخل كايد المجلس على نقاش بين ابوه وخلف.
سعود : ليه ياخلف بتشد الرياض.
خلف: لقيت وظيفه يبه وودي اراجع بنوره يمكن تتحسن حالتها يقولون فيه حرمة بالزلفي تعالج وانا ودي اقربها واقرب وظيفتي.
كايد : ايوالله بنتك اهم من كل شي.
خلف : خويي عنده شقه نظيفه ماعليها يبي فيها الشهر بالف وخمس وان شاء الله تتيسر.
ابوه:ابد وانا ابوك ان نقصك شي ماني مقصر معك.
خلف : انت ماودك ترد مرتك.
ابتسم كايد : على اساس تنتظرني اردها .
خلف : الله يعينك ويسهل امرك.
سعود: هيه ياخلف اجار بيتك سنه تراه عليه واثاثك بعد هديه مني.
خلف باس راس ابوه : الله يخليك لنا يبه .
كايد يربت على فخذة خلف : لو عندي مابخلت عليك .
باس راسه : لا لا كايد لاتقول كذا الله يكثر خيرك وخير ابوي.

"بالنادي" .
هديل: خلف بينقل الرياض.
ديم : وانا شدخلني تنقلين لي اخباره.
هديل: قلت يمكن تبين تعرفين ان سوير ماراح تكون بهذاك البيت.
ديم : صدقيني ماعاد تفرق معي .
هديل : شخبار قلبك.
ديم: ينبض وهذا المهم.
هديل: وين كايد من قلبك.
ديم بانزعاج : يووووه ياهديل خلاص عاد مالك سيره الا كايد.
هديل: الله يرحم ايام كنتي ماتتنفسين الهواء الا بصدر كوكو الحين صار كخه.
ديم : هديل وش تبين بالضبط علميني.
هديل : ولا شي خلاص انطمي..
ورجعو لتمرين وديم تحاول تتهرب من تفكيرها .

"في بيت محسن"
جالسين بعد العشاء جلسة عائليه.
محسن : ديم تعالي هنه.
قامت وجلست جنبه وهي شايله فهود الي صار يجلس ودبدوب وبس يضحك: سم يبه.
محسن : عمك يبى يشوف حفيده .
ديم : طيب يبه حياه الله اي وقت انا ما منعته يشوف حفيده.
محسن بحده: لا ينتظرك تسمحين له تبينه شايب يجي طاق من الديره عشانك.
ديم : وش اسوي يعني.
محسن : الخميس بننزل لديره عشان فهد يشوف جده وعمانه.
ديم : بس انا مابي اروح الديره.
محسن بعصبيه : بنت كلامي واضح بتمشين ورجلك فوق راسك.
ديم خافت لانها ماعهدت ابوها يعصب عليها كذا : طيب ابشر.
لطيفه : ماعليك يمه بننزل عند عمك مشعل وهم ياخذون ولدهم لاشبعو منه يردونه يحمدون ربهم اننا مربينه في بيئه سليمه ونصرف عليه.
لفت هديل لها وبكل صوتها : انتي هي وش الي تصرفين عليه فرحانه بفلوسك فلوسكم ماربت عيالكم فاشلين بكل شي ثنيان النسونجي الي ناقصه حنان ويالله هه قدرت بنت الديره البيئه التعبانه تعدل اطباعه ،، ديم مثلاً فشلت بزواجها ليه لانها تربيت عامله ماتفكر ولا تعطي فرص ولا تسمع وعند اول مشكه انحاشت ماواجهت ليه لانك امها ،، شوق بنت السلطان الي مايعجبها العجب وكل الناس تشوفهم ولا شي وبرضه شصار ولد الديره هو رباها لك ،، هذال الي لو يموت بالديوانيه مشى الدود بلحمه وانتي على مرايتك تشدين وتنفخين لكن كايد تربية ولد الديره ولد جملا وسعود عيبه بس انه كتب قصيده في بنت حبها يعني مامعه حق صراحه المفروض يعلم الغيب ويدري انه ماراح ياخذها وبيتزوج بنتك وبتزعل كان المفروض يحسب حساب علم الغيب صح صح ديم؟ تكبرين ولدك بيد المربيات بكره يكبر بمجالس الرجال مايعرف يقول كلمتين على بعض لانه تربية لطيفة .
ثنيان : هديل هالكلام الي ماله داعي.
هديل : صح ماله داعي الي له داعي كلام امك الي لو فيها خير ماعافها الطير.
وطلعت فوق تركض وثنيان ماسك اسر
الكل كان مصدوم منها خصوصاً ديم انصدمت ان هديل سوت تحديد للكل هالمره.
لطيفه: عاجبتك بنت اخوك.
محسن : هديل صادقه ماقالت شي غلط.
منيره قامت : بروح اشوفها.
لطيفه: اوقفي معها ايه اي شي ضد لطيفه يناسبك.
منيره طالعتها : ماراح ارد عليچ .
وكملت طريقها فوق.
"بغرفة هديل"
كانت تحوس بغرفتها من كثر ماهي تغلي من داخلها فتحت منيره الباب : اقدر ادش.
هديل : حياك تعالي.
دخلت منيره وقفلت الباب.
هديل تاشر لها تجلس : تفضلي
منيره جلست : زاد فضلچ حبيبتي.
وصارت تواسي هديل الي شوي شوي هدت.