أيلي

part 3

امس حنيتلك وتجدد الشوك
امس للروح ردت الذل اعيده
امس ردت انسة كل الشفته وياك
امس خطوات عالذلة الجديدة
امس ناسيك بس المشكلة الليل
الليل يقرب الناس البعيدة
.
.
.
.
تجاهلوا الأخطاء رجاءً
.
.
.
.

_________________________________________

"ها شلون صارت بطنج"
ردفت سارة ل ايلين الي نزلت من الدرج وهي لابسة ملابس المدرسة
"زينة صارت على المهدء الي انطيتينيا"
ردفت ايلين وهي تطمن امها
"اي يله حظري نفسج وتريكي علمود ترحين للمدرسة ومن ترجعين اخذج للدكتور"
قالت وهي تصب الشاي ل ايلين الي بدت تأكل الجبن
"اي يمه ان شاء الله "
ردفت ايلين وهي تمضغ لقمتها

بس عقدت حواجبها بضجر بعد ما امها ضربتها بخفة على ايدها وهي تردف
"لا تحجين وانتي تاكلين كم مرة كلتلج"
"ايي يمه،اصلن اني شبعت"
ردفت ايلين وهي دكوم تريد تلبس حذائها

"ضلي هيج ما تاكلين هسة تطلع وجع بطنج توجعج لان متاكلين هواي"
ردفت سارة ترزل ب ايلين الي كملت لبس الحذاء
"ماما والله جاي اكل زين بس انتي ترديني اكل هواي علمود اصير دبة حميسة،يله باييي مامي تأخرت"
ردفت ايلين وهي تطلع باستعجال لأنها تأخرت عن المدرسة

_______________________

"يمه يعني شنو ما ترديني اروح للجامعة شدخلني اني ب خالتي وابنها يعني لازم اكون موجود"
ردف رسول ل امه الي تمنعه يروح للجامعة لان اختها جاية
"يعني والله عيب خالتك تريد تشوفك شنو تريد تروح للجامعة عيب منها ومن ابنها"
ردفت ام رسول بضجر وصوت عالي

"هاي شكو شديصير،شبيج خالة وي رسول"
ردف آدم نازل من الدرج على صوت ام رسول المسموع
وهي ترزل ابنها وتمنعه يروح للجامعة
"آدومي، شوف ماما ما تقبل اروح للجامعة لان خالة تريد تجي هي وابنها ودكول تريد تشوفك"
ردف رسول بدلع وهو يمسك يد آدم الي ينظر له ب ابتسامه
"خالة شسالفة صدك تريدين تمنعية من الجامعة علمود هيج شي قابل شنو خالته جاي تخطبه"
ردف آدم وهو يدير وجه ل ام رسول حتى يقنعها رسول يروح للجامعة
"لا،لا آدم شلون اخليه يروح خالته تريد تشوفه صارلها هواي مشايفته"
ردفت ام رسول وهي تنظر إلى آدم بضجر وعصبية لان اليوم لازم يكون رسول بالبيت علمود اختها الي مشتاقة لرسول
"خالة خلي اوصلة للجامعة ويحظر محاضرة وحدة وارجعه بيدي"
قال وهو يمسك ايد رسول الي صافن بيه ومبتسم
وبعدها هز رأسه مستوعب انه رح يفضح نفسه هل مهوس
"يله لعد ب امانتك محاضرة وحدة وترجعه"
اقتنعت ام رسول واخيرا ابنها يروح للجامعة لاكن بأمانة آدم..