انا احبك مابها زيف وخداع رغم الذي نخفيه والي نخافه

بارت ٥٥

"بيت محسن "
قفل المكالمه : خالك يقول متكلمين فيها يعني مالك نصيب.
قام سيف بدون اي كلام ولحقته امه .

"بعد اسبوعين"
وقت تمايم نمر وفهد حطو عقود على البيت والحوشين وزل وذبايح وقعدان وعزمو كل معارفهم وبعد المغرب بدو الضيوف يجون .
كايد وبتال وسند يكرفون لهم يومين وصل خالهم شاهر وماجد ولد هلا الي صاير يتقرب منهم مع انهم للحين ماعطوه لا موافقه ولا رفض ،، شوي وصلو ثنيان وسيف وبدو يقهوون الرجال ويحرفون عليهم.
ومن ضمن الرجال الي جو اخويا كايد بالدوام.

"عند البنات "
ديم اليوم لها ثلاثه اسابيع كشخت وشوق جالسه تكشخ فهود تبوسه بفمه بقووه: اويلي ادوخ انا ادوخ.
ديم : شوق لا تكفين خالتي جملا تقول بعدين تصير سعابيله بس تصب.
ترجع تبوسه : طول عمري كذا ابوس شيهانتي شفي وش زينها.
جو اهل مشعل الا نجد تأخرت.
هديل: وين نجيد.
ترف : خبله ماخلصت شوي وتجي.
هديل: المهم اذا جت بنرقص .
شوق: انتي مو ناويه تحملين.
هديل : لا مابي احمل الين اخلص دراستي.
ديم : اوف سنتين يعني.
هديل: اي.
شوق : يارب تغلطين مثل امك.
بضحكه : ماراح اغلط لاتخافين.

"عند الرجال "
مشعل نسي جواله : سيف تعال وانا عمك.
سيف جاء يركض: هلا عمي.
مشعل: هذا مفتاح بيتي رح عطني جوالي. تلقاه على المغسله بقسم الحريم.
سيف اخذه : ابشر الحين اجيبه
وراح يركض .

"عند البنات ".
هديل: يمه فكينا من صقر طفشني عن اسر.
شوق : انتي خبله ارسليه لابوه.
هديل: ايو الله صح برسله لابوه .
واتصلت بثنيان : هلا بنت الديره.
هديل بحده : تعال خذ ولدك الخكري ياولد المدينه صقر ثعى به وانا مشغوله.
ثنيان بضحكه : خليه يكبر شوي والله لدخله نادي للفنون القتاليه هين دواكم عندي ياعيال سعود.
تنطق : تدخله ولا تخليه مدبوغ مدبوغ.
يضحك : طيب انا عند الباب هاتيه.
وراحت هديل لثنيان: هاك .
شاله : اسوري ليه يابابا ماربيتك على الرخامه.
هديل : ياعمري هو حساس مايتحمل شي.
ثنيان: من زود دلعك له خربتيه.
هديل: طيب رح رح انا مشغوله.
قرب وباسها بخدها : ااااخ ،، ديري بالك على نفسك ولاتكثرين رقص قدام العجايز يحرولنك بعين.
ضحكت وباست خده: يالله باي.
وراحت تركض داخل وثنيان خذا ولده لرجال الي كل وراعينهم بثياب الا اسر بشورت.

عند الرجال "
سيف الي وقفه بتال : وين رايح.
سيف : عمي طرشني .
بتال قاطعه : ايش.
ابتسم : ارسلني اجيب جواله.
بمد يده : جيب انا بروح.
سيف استغرب بس مااعترض مد له المفتاح وراح بتال.

"عند البنات"
تاخرت نجد وشغلو السماعه وبدو يرقصون الا عاد ديم جالسه تناظرهم .
هديل وشوق بدو الرقص كانت عذاري تخز شوق الي ماهي يمها.
وشيهانه مع مربية اسر وكانت شوق ماخذه راحتها من بنتها شوي.
قامت عذاري ترقص مجاكر لشوق الي ابتسمت لديم الي ماحد فهمها غيرها ،، رقصو شوق وهديل وجلسو ترف قامت مع العنود وصارو يرقصون.
ديم لشوق: عندك عذاري وعندي ساره .
شوق: يازين ساره مع هالتريله.
ديم بضحكه : الصدق من يوم تعبت بنتها وهي هاجده خصوصاً بعد ماقال لها خلف ماتكلمني ماعاد احتكت فيني.
شوق تشوف نوره تسحب رجلها وتزحف : ياعمري المفروض تمشي الحين.
ديم : اي تقطع القلب.
قامت شوق : بروح اشوف بنتي وارجع لك .
ودخلت داخل وديم جالسه: خالتي تعبت من الجلوس.
جملا: قومي تمددي شوي،،
قامت داخل وخلت فهد عند جملا.
عذاري : عفاف .
عفاف : هاه
عذاري : شايفه بنات محسن
عفاف : وش فيهم.
عذاري: كنهم يمشون على كبدي حقت ولد جملا ماكنها نفاس والثانيه غصب رجعت جسمها مثل ماكان واحسن.
عفاف : سمعت انها مشتركه بنادي.
عذاري: من وين لعذاري نادي بذالديره.
عفاف: قومي قومي نرقص.
عذاري : ماني راقصه.
عفاف قامت مع شيخه وصارو يرقصون وعذاري تناظر شوق ولا هي يم احد.