عقاب بلا ذنب

بارت ١١

بِسمِ اللهِ عَلى فُؤادِي حتَّى يَطمئِن..

                 رواية عقاب بلا ذنب

                     بقلمي *جيهان*

                ✦✦✦✦✦✦✦✦✦✦✦

             ألقيتَ ظُلمَكَ فوق روحي نارًا
             فاحترتُ كيفَ أواجهُ الأقدارا
           عاقبتَ قلبي وهوَ لم يُجرمْ، فهلْ
         يُجنى العذابُ على البريءِ جهارا؟

ما ذنْبُ روحي إنْ جفاكَ تودُّدي؟
أو أنْ عَفتْ نفسي المدى إعْسارا؟
كَمْ ظالمٍ حكمَ القلوبَ تجبّرًا
لكنّهُ في ظُلمِهِ قد سارا

                   فدعِ الجزاءَ فحكمةُ اللهِ التي
               تحصي الدموعَ، ستأخذُ الأشرارا

                 🖤ــــــــــــــــــــــــــــــــــ🖤

غزالــــــــــــــــــــــــــه.......

طب فارس اعيونه بكصته يريد ينفجر ساله بابا شكو ركض عليه سحبني من شعري

::-انتي كلتيلها انتي خليتيها تشرد احجججججي؟؟؟!

ضحكت فرحانه يعني ما لزموها الحمد لله باوعت البابا الي الدم رجع لوجهه ابتسمتله ولا منتبهه للحيوان الجاي يسحل بشعري

فارس::-اضحكي والله العظيم اذا ما اخليج تبجين دم ما اطلع الملازم فارس

دفعته عني ما طايقته::-رقم بنعالي ما احطك لزمت ايد بابا وطلعنه اني وياه حتى ما باوعت عليه شصار بيه يمكن انجلط

صعدت ويه بابا بسيارته وصلنه البيتنه بطلب مني ابقه الليله يمهم وصلنه بهدعش اول ما طبيت ركضت لغرفتنه اني وشمسين طبيت للحمام كعدت جوه المي اريد ابجي اريد اخففي هذا الهم النايم على كلبي

بجيب الحد ما تعبت كمت والكاع فرت بيه وكعت اريد اصيح ما اكدر احس روحي دتنسحب مني

غفيت بالحمام ما ادري انغمى عليه بس هذا اخر شي اتذكره فزيت على صوت ماما وبابا يصيحون بسمي كمت وكفت هم فرت بيه الكاع لزمني بابا كعدني عالكرسي وطلع غيرت ماما ملابسي لبستني دشداشه قصيره بيها لولو كاتي رجع بابا سندني وكعدني عالجربايه