انا احبك مابها زيف وخداع رغم الذي نخفيه والي نخافه

بارت ٥٣

وهي تصرخ بحرقه نزل شماغه وشق طرفه وربط رجلها وبصراخ وصوت جهوري : عطوني سكييين سكين .
نطت هديل  تجيب سكين من المطبخ وعطته  جرح قدمها  وصار يمص السم ويبصقه ساره كانت منهاره صياح والبنات ماسكينها وديم واقفه تناظره واول شي جاء ببالها دعوتها على ساره  ان الله يحرق قلبها مثل ماحرقت قلبي اما كايد خذا نوره لسياره وراحت ساره وركبت معاه ورى.
كايد الي يدري ان ديم بتقلب عليه : هديل تعالي معي
وتركب وهديل معهم وراحو للمستشفى.
بتال ذبح الثعبان ورماه .
عنود لفت تطالع ديم الي ماكان عاجبها ان ساره ركبت مع كايد رغم ان هديل معهم .
راحت ديم لغرفتها بدون اي حرف .
سند : ضعيفه نوره الله ينجيها.
بتال : حرمة كايد زعلت صح.
شهد : من حقها تزعل المفروض كايد خلاك انت ولا سند تودونها ليش هو.
سند بحده : يابنت انطمي حنا وين وانتن وين واذا زعلانه تطق راسها بأقرب جدار البنت بتموت وهي تبيه يفكر فيها.
جملا : وش طلع ذالداب على الدرج متى اخر مره صبيتو حلتيت حول البيت.
سند : يمه حنا في عز البرد من توقع انا بنلقى  داب هاذي اول مره تصير الديبان تختفي بالشتاء.
عنود: يمه رحي تكلمي مع  ديم احسها زعلت.
تهز راسها : لا خلوها تفكر من نفسها يمكن اذا هدت تدري ان الي صار غصب عن كايد.

"بالمستشفى "
دخل يركض شايل نوره وساره تركض وراه وهديل تلحقهم : مقروصه داب اسود .
الدكتور شالها داخل وهي فاقده الوعي .
جلس كايد على الكرسي  و صد عن ساره الي منهاره وهديل ماسكتها تهديها ساره جات عند كايد وطاحت على رجوله ،، بعد عنها يسحب  رجوله عنها للجهه الثانيه  وهي تبكي بحرقه : دخيلك سامحني دخيلك الله عاقبني  انا الي سقطت ولدك انا تكفى سامحني نوره مالها ذنب.
كايد شافها زودتها وتقرب منها انسحب وطلع برى بدون مايرد عليها : هديل اذا جاء الدكتور كلميني.
طلع وساره جلست تبكي وهديل تهدي فيها.

"بيت شاهر "
شوق تكشخ بنتها بيطلعون لديره : الا حبكت ننزل الديره بهالبرد.
ينطق : اي صار لك والده شهرين ابوي وخواني يبون شيهانه.
شوق : ان مرضت ياويلك.
شاهر: دفيها وماتمرض.
تلف له : المهم بعد بكره نرجع عندي نادي .
شاهر: طيب طيب نرجع ان شاء الله.
شوق: هاك امسكها بجهز.
شالها شاهر  بحضنه وصار يسولف معها ويبوسها : شيهانه ماتدرين وش كثر كان حلم اني اجيب بنت واسميها شيهانه وصرتي يابابا جيتي وسميتك شيهانه واختك الثانيه الجازي.
شوق: معصي ماتسمي الجازي.
شاهر بضحكه: يصير خير.
جلست تحط ميكب وتضبط شعرها وهو يسولف مع بنته

"بالمستشفى "
بعد ما طلع الدكتور وكان كايد ينتظره : هاه دكتور طمنا.
الدكتور : البنت صغيره والسم قوي وانتم لما ربطتو رجلها هالشي ساعد انه ماينتشر  بجسمها ويقتلها لكن رجلها ماراح تقدر تحركها طول عمرها .
ساره انهارت صياح ومسكتها هديل .
كايد : يعني قصدك رجلها انشلت.
الدكتور : اي.
كايد ميل فمه بأسف: لاحول ولا قوة الا بالله.
هنا دخل خلف الي توجه لساره بيضربها : انتي الي اهملتيها ولا بنت بذا العمر وبذا البرد وش يوديها لدرج الا اهمالك .
دخل كايد بينهم يبعده : يا خلف الضرب ماهو حل الي صار صار الحين .
خلف : وش قالو لك.
كايد : نوره سلمت لكن رجلها انشلت.
قفل عيونه بقهر يبكي وحضنه كايد يمسح على راسه : الحمدلله انها سلمت وانا اخوك وهذا قضاء وقدر لاتقسى على امها تراها صويبه  مثلك بلي صار في بنتها .
بعد خلف وراح يشوف بنته وساره تلحقه  وكايد وهديل بعد ماشافوها وكانت مخدره لسى طلعو وراحو للبيت  وساره بقت مع خلف عند بنتهم.