عشقني الأعمى(تم التعديل) مُكتمله

🔥البارت الثالث🔥

ايه رأيكم ف شخصيه دغوره 😂😂

هحاول انزل بارت من همسات شيطاني انهارده .... متنسوش نجمه البون و فولو لذوذ🫂😗

*******

بمجرد أن خرجت رفع الهاتف وقال للطرف الآخر بعد أن اجابه:"ألو يا جواد ... انا داغر"

صمت للحظة ساد الطرف الآخر، ثم انفجر جواد بصوت عالٍ:"دااااااغر انت فيييينك يا جدع دا احنا قالبين عليك الدنيا روحت فييييين دا احناااا ا ..."

قاطعه بصوت حاد:"اخررررس ... ايه سارينه"

= ياعم ما انت اللي اختفيت فجأه وأحمد والمنيل جه اتهجم عليا ف بيتي واغتصبني وقالي قوم دور على داغر عشان تاه

اغمض عينيه بنفاذ صبر من سخافه صديقه:"اسمعني كويس ... الرقم اللي يكلمك من عليه دا عايزك تعرف اللوكيشن بتاعه عشان لما اكلمك تجيني عليه، وعايزك تعرف كل المعلومات عن صاحبه، وتحتفظ بيها لحد ما نتقابل، واي حد يسأل عني تقولهم داغر سافر لفرع الشركه اللي ف لندن ومتجيبش سيره لأي مخلوق عن الموضوع دا حتى احمد"

= ماشي يا صاحبي بس انت فين وايه اللي حصل احنا كنا مع بعض الصبح ف الشركه

= و انا راجع هجموا عليا خمس عربيات وضربوا نار ... عديت منهم بالعافيه وﻻد الكلب بس لما يقعوا تحت ايدي مش هرحمهم

عقد حاجبيه بضيق وخوف على صديق عمره الذي يعتبره شقيقه:"قولتلك يا داغر زود الحراسه مسمعتنيش ... اكيد هما هما اللي كانوا السبب ف حادثتك زمان جم دلوقتي عايزين يخلصوا عليك"

= مش وقته الكلام دا دلوقتي انا هفضل هنا مؤقتاً ولو لقيت اللوكيشن أو المعلومات فيها عوق اول ما ارن عليك تبلغني ومترنش انت انا اللي هرن

زفر بضيق من أوامره اللامتناهيه:"اعمل سوي روح تعالى هات ودي نيل اتنيل .... مش بتعمل حاجه غير تأمر وبس لكن ماشي حاضر هنفذ"

قال بحده:"حاسس انوا مش عاجبك"

ضحك بمرح ليظهر أنه كان يمزح:"ههههه بهزر يا جدع هو انت هتاخد ع كلامي ... بس قولي انت قاعد فين ومع مين ومين صاحب الرقم دا"

= ششش بطل اسأله كتير ورغي نفذ اللي قولتلك عليه وهتعرف ... يلا اقفل

ثم اغلق الخط وألقى بالهاتف بعيداً .... مد يده وبدأ يتحسس ببطء على الطعام الذي أعدته تلك الفتاه، بدأ يتذوق ذلك الطعام بحذر شديد فهو ﻻ يعلم مكوناته وبالطبع ﻻ يعلم تاريخ الانتاج أو الانتهاء ... تناول فقط بعض اللقيمات حتى يعوض بعض من الدماء التي نزفها فهو ﻻ يريد الإكثار حتى ﻻ يمرض من ذلك الطعام الذي ﻻ يحمل ختم الجودة الذي اعتاد عليه؟ كانت فكرة تناول طعام غير مطابق لمعايير ISO تثير اشمئزازه وقلقه في آن واحد ... بالنسبة لرجل مثله، اعتاد على أعلى معايير الجودة والسلامة في كل جوانب حياته، بما في ذلك الطعام، فإن تناول أطعمة غير معتمدة بعلامة ISO يحمل مخاطر جمة من وجهه نظره ...