انا احبك مابها زيف وخداع رغم الذي نخفيه والي نخافه

بارت ٤٨

"بمجلس سعود "
سيف بحماس : يبه ابي اشوف ديم.
ثنيان : تعال اوديك لها
يقوم معاه :  لاتقول اني اخوها خل اسوي فيها مقلب .
بتال : لاحرام ديم خلقه مفجوعه.
ثنيان خذاه : تعال تعال .
وراح سيف مع ثنيان لغرفة ديم .
تخبى ثنيان وسيف دق الباب .
ديم : مين .
سيف رجع دق اردفت ديم : يوووه ياهديل ماتخلين حركاتك.
وفتحت وكان سيف ديم جات قفل الباب وحط سيف رجله : من انت وش تبي ياقليل الادب.
سيف وهو ميت ضحك : لحظه خل نتكلم.
تحاول دفت الباب ماقدرت : والله لاقول لكوكو ياحيوان بعد.
ثنيان جاء منهار ضحك : ديم ديم افتحي.
فتحت وهي منهاره صياح ودخل ثنيان: ثنيان فيه واحد حاول يدخل عندي.
فتح  ثنيان الا وجهها بوجه سيف: ذا قصدك.
لفت الباب: انت صاحي كيف تدخله عليه كذا.
ابتسم : هذا اخونا.
توسعت عيونها : ايييييش
مد سيف يده : حياچ سيف محسن كايد.
ديم : حياچ لا صدق احلام العصر اطلعو برى
ثنيان بضحكه : انتي صاحيه يعني معقوله بدخل عليك رجال غريب هذا اخونا ابوي متزوج وهذا اخونا.
سيف طلع هويته : هاچ هاذي هويتي.
طالعت  ديم الهويه بيده الا صدق ولد محسن: امي تدري.
ثنيان: لا ماتدري.
سيف : انزين سلمي.
مدت يدها وسلمت : انا اسفه بس.
سيف ابتسم: انا الي اسف خرعتچ.
ديم : حياك تعال نجلس بجلسة عيال عمي سعود.
وطلعو وسكرت الباب وجلسو بالحوش.
ديم : بروح اجيب  قهوه واجي.
سيف: لا مافي  داعي القهوه عند ابوي بالمجلس.
كانت  ديم مصدومه بس استحت تستقبل سيف بصدمه الي واضح انه متحمس ويبي اخوانه : سيف انت عايش بالحساء
سيف ابتسم : لا  امي كويتيه.
ديم : اها عندك اخوان ،، اقصد عندنا خوان غيرك.
سيف : اي دانه خل اراويچ صورتها.
وطلع جواله : هاذي هذي.
ديم : احس تشبه شوق وانت تشبه ثنيان.
ثنيان : وانتي من يشبه لك.
ديم : ماحد يشبهني.
ثنيان: بروح اجيب لك ولدي واجيك.
سيف: لاتطول .
ثنيان: لا ماني مطول.
ديم كانت مستحيه وسيف ابد ماخذ راحته ويسولف وكأنه يعرفها من زمان،، جاء كايد الي ماكان يدري بوجود سيف انصدم يشوف ديم جالسه مع رجل غريب وتسولف معاه وضحكهم واصل اخر الشارع توسعت عيونه  وتوجه لهم بخطوات واسعه .
سيف اول ماشافه متوجه يمهم سألها : مين ذا.
ديم عرفت انهم ماتقابلو وقبل تتكلم كايد مره معصب والشر يطلع من عيونه
كايد: من انت .
نطت بوجهه : اخوي اخوي.
ينطق بحده : تستهبلين انتي.
سيف وقف : ليه ماعندك ثقه فيها بعدين مو معقوله بتجلس مع رجال غريب بنص بيت اهلك .
قطب حواجبه ينطق : الا عندي ثقه فيها  بس ماعندي ثقه في امثالك . ابتسم : مشكور بس انا ضيفك وعندكم يالبدو  الضيف ماينهان بمجالسكم.
كايد يناظره بدون كلام .
واردف سيف وهو مايد يده : انا سيف ولد عمك محسن انا ماحب المشاكل  فخلنا نتعرف على بعض بشكل لايق
كايد صافحه : انا .
وقبل يكمل : انت كوكو ،، بصراحه مدري شلون صرت كوكو.
كايد طالع ديم بنظره حاده : انا كايد ولد عمك سعود .
سيف : تشرفت فيك.
ديم مدت يدها وتمسك سيف بساعده : سيوف لاتزعل كايد كذا هو صح عصبي بس قلبه طيب .
كايد يناظرها كيف ماسكه يده ومايدري ليش حاس صدره بينفجر من الغيره .
سيف: لا تحاتين مازعلت ،،انا استاذن بروح عند ابوي المجلس..
وراح سيف وكايد مسك ديم بيدها واخذها غرفتهم : انتي ليه قاعده معه ولحالكم.
سحبت يدها : انت ليش عصبت  وليش ماتوثق فيني حتى هو قاله لك.
كايد : واقفه معاه علي ،، بعدين انتي ماقط قلتي ان عندك اخو من ابوتس.
ديم: لاني لسى جالسه اتعرف عليه توي ماقلنا بسم الله .
كايد: ياسلام توك تتعرفين عليه وواقفه بصفه  علي بعدين وش الي انت كوكو شكلتس ناسيه اسمي.
ديم بعصبيه : ايه تهرب تهرب عشان ماتقول انك شكيت فيني على قولة سيف من جدك بكلم رجال بنص بيت اهلك.
كايد : ديم لا تكرهيني فيه وانا لسى ماعرفته بعدين انا ماشكيت فيتس انا ادري انه يقرب لتس بس ماعرفته انا عصبت لانه جالس بالحوش الي اكثر وقت خواتي فيه كيف تدخلينه.. وانا لو شكيت فيتس دفنتس حيه انتي وياه
جنت  ديم من كلمته ودموعها  تجمعت بعيونها : انا ديييييم ماني ساره ياكايد.
كايد انتبه لنفسه : ديم انا
ديم : لا تقول شي لاني شفت الشك بعيونك .
ينطق :  خلاص خلاص حطي لي ملابس بتروش.
بزعل وهي تتوجه للباب :  وخر  عني وحط  لنفسك انا مزاعلتك .
توسعت عيونه : تعالي هنا قاعد اكلمتس انا.
طلعت وقفلت الباب وراها وكايد واقف مكانه مصدوم ومو مستوعب الي صار: عيال عمي محسن مايجي من وراهم خير ..
اما ديم راحت عند هديل وهي كاتمه غصتها ولا تبي ساره وريم يلاحظون.