انا احبك مابها زيف وخداع رغم الذي نخفيه والي نخافه

بارت ٤٧

يبتسم وهو يأكلها : تتذكرين يوم دخلت غيبوبه .
ترفع عينها : اي اتذكر .
كايد: ترى يوم جيتي عندي وصورتيني لهديل وقتها ماكنت بغيبوبه كنت صاحي.
ابتسمت بصدمه : سالتك بالله.
يهز راسه : ايوالله بس كنت مقفل عيوني وقتها يوم شفتس مسترسله وتطمنين هديل سكت لاني ماكنت ابي احرجتس.
تبتسم بخجل تتنهد : طيب تدري ان هديل كانت عذر وكنت بس ابي اشوفك واتطمن عليك.
يقرب يبوس خدها : الحمدلله الي كتبس لي والله اني اشكر عليتس انتي نعمه كبيره شي غالي على قلبي .
ابتسمت تطالعه : طيب بسالك سؤال متى حسيت بداخلك انك تحب ديم او يعني حسيت بشعور حلو تجاهي
تنهد وبابتسامة : يوم خميتني في بيت عمي مشعل يوم جاتس الحرامي.
استحت ونزلت عينها وهي تتذكر : اايي اسفه مدري كيف خميتك.
ينطق بضحكه وهو يرفع راسها : وش الي اسفه يابنت انا رجلتس الحين.
تناظره : طيب وش حسيت وقتها انا الصدق ماكان ودي انك تخليني وتروح بس انت طلعت مستعجل
يقطب حواجبه : كيف اقعد معتس لو احد يشوفنا ماهيب زينه ،، بالنسبه للحضن لخبطني كثير وتكهربت هذاك اليوم ريحتس جلست ايام وهي بخشمي ريحتس مدري ليه كانت شي حلو بالنسبه لصدري
تتنهد بحب : انا كنت معجبه فيك يعني كانو يسبونك ويقولون متوحش ومدري ايش انا صح كنت اخاف منك بس احس اني ابي اقرب منك شفت الاسد الهايج الي الكل خايف منه ومرعوب ويركضون ويهربون انا لا ابي اقرب منه ابي المسه احسه بيهدى مع ديم فاهم علي صح.
يبتسم : فاهم فاهم ماعليتس حطيتيني حيوان.
ضربته على يده: يوه ياكوكو شفت فهمت غلط.
كايد : والله فهمت ،،فاهم عليتس بس استهبل معتس.
ديم: كوكو.
كايد بنفس النبره :ياقلب كوكو.
ديم: تتذكر لما بستني بالعزبه وانا لابسه فروتك.
كايد ابتسم: ايه اتذكر.
تميل فمها : ليش قلت لهم يغسلون الفروه بعدي ،، تذكرت شي ازعل عليه.
ضحك بقوه يقبص خدها : تتذكرين شي تزعلين عليه هاه.
ديم: جاوب طيب ليش قلت غسلو الفروه.
ميل فمه : والله مدري بس يمكن كنت خايف اتعلق فيتس او يمكن اضعف قدام ريحتس.
ديم : لاتكذب .
كايد: والله ماكذب انا اقول يمكن لاني مو عارف السبب.
تناظره بعيون تعكس حبها له : طيب وين بتنام بتروح غرفتنا ولا بتنام هنا معاي لان خالتي جملا تقول ابيك قدام عيني.
كايد: لا بروح انام بغرفتنا ترف هنا.
تفتح يدينها :طيب احضني قبل تروح.
قرب ولمها بقوه لصدره : اااااخ والله العظيم اني يوم اخمتس كذا احس بعافية الدنيا كلها بصدري.
باست صدره بدون كلام وسندت راسها عليه تقفل عيونها بحب.

"بالرياض "
رجعت شوق بيتها : شاهر ظهري يوجعني من الخط.
شاهر : ياعمري انتي قلت لك لاتروحين اصريتي تروحين .
تنطق : شسوي امي عيت تروح لديم تبيني انا بعد اخليها.
شاهر : خليني اعبي البانيو مويه دافيه تجلسين فيه تسترخي عضلات جسمك.
شوق : ايوالله ياليت .
شاهر: ابشري بس اجلسي لاتقعدين واقفه .
توجه للباب تنطق شوق : شاهر لحظه ترا انا حامل في بنت.
رجع عندها : ليش قلتي لي مو اتفقنا نسوي بارتي .
تجلس بحسره ودمعتها تنزل : الصدق اي كنت بسوي بس ديم كسرت فرحتي والله،، انا اسفه من حقك تحتفل وتفرح بس.
قاطعها يجلس : لا لا ابداً والله ماتفرق معي كنت ابيها عشانك بس المهم تجي بالسلامه والله اني ميت على شوفتها .
شوق : ان شاء الله راح تجي وراح تحب الخيل مثل ابوها.
شاهر: وتكون جميله وشامخه مثل امها.
ابتسمت برضاء وقام شاهر : بروح اجهز لك البانيو.
وقام وشوق تنزل ملابسها وتلبس روب الاستحمام وتتوجه للحمام.