انا احبك مابها زيف وخداع رغم الذي نخفيه والي نخافه

بارت ٤٤

"بالرياض "
ثنيان مايدري كيف يعلم هديل بسند جاء عندها غرفتها وهي تذاكر بعد مانيمت اسر ودخل هو وشوق الي استغربت هديل انها رجعت : شوق مو رحتي مع خالي شرجعك.
بلع ثنيان ريقه بتوتر: هديل سند متنوم.
رمت كتابها على السرير وجات عنده وبعيون واسعه وملامح مفجوعه : علامه سند قلبه فيه شي.
ينطق : لا والله مدري وش اقول لك بس .
صارت تضربه على صدره : وش فيه ياثنيان سند وش فيه.
شوق: اهدي سند طعنه واحد.
وقبل تكمل شوق كلامه صارت هديل تصيح وتضرب نفسها كفوف وتشد شعرها لدرجة ان اسر صحى من نومه يبكي من خوفه شوق خذت اسر وطلعت وثنيان يحاول يهدي هديل الي منهاره  صياح : ثنيان سند لا ياثنيان سند جاه مايكفيه من هالحياه خلاص ارحموه تكفون ارحمو سند الي لسى ماشاف شي من الحياه.
حضنها : تكفين لاتسوين بنفسك كذا ليه تضربين نفسك ليه.
هديل كانت منهاره صياح : ياربي خذني قبل خواني يارب خواني كل حياتي لاتقهرني فيهم لاتقهرني فيهم.
يمسح دموعها : خلينا نروح له المستشفى امك بحاجتك توقفين معها لا تصيرين انتي عليها بعد.
وبسرعه لبست عبايتها  وهي تبكي وطلعت ركض وثنيان يركض وراها : هديل انتظري .
ركبت السياره تضرب بوري بسرعه،، الثواني الي تاخرها ثنيان كانت ساعات بالنسبه لهديل ركب ثنيان وحرك للمستشفى وهي بس تصيح وتتحلطم وتدعي وثنيان ساكت كان حزين عليها وعلى سند بس مركز على الطريق لان كلامه ماراح يغير شي بوضع هديل.
___
"بالديره "
ديم وغزل كانو يهدون شهد و عنود .
ساره : خلف خذهم لاخوهم حرام تقعطو من الصياح.
خلف جاء يشوفهم وحزن على وضعهم : قمن باخذكن للمستشفى.
شهد قامت تحضن خلف: مشكور ياخلف مشكور ياخوي.
مسح على راسها وابتسم : انا بالسياره.
راحو عنود وشهد ركض لخلف الي اول مره يحزن عليهم .
غزل: انا خايفه كايد ماراح يسكت لفيصل والله ليذبحه.
ديم  تتنهد : هذا اذا لقاه .
غزل: ليه يعني.
ديم : انا بلغت عنه قبل يمسكه كايد ادري كايد بيزعل وبيهاوشني بس عادي المهم مايروح نفسه بمصيبه.
ساره  براحه : احسن ماسويتي كايد اذا عصب جني يمكن يذبحه.
ديم لفت لها وبعصبيه: والله ماجني غيرك اسم كايد لاتجيبينه على لسانك فاهمه ولالا .
وقامت راحت غرفتها  تنتظر خبر عن سند الي تحبه مثل ثنيان و هذال : يارب طمن قلبهم عليه يارب سند حياتهم بهالبيت لاتطفي نورهم يارب.
لبست ساره عباتها وهي مقرره تروح لاهلها تبلغهم يخفون فيصل قبل تمسكه الشرطه وهي طالعه وقفت لها ديم: وين رايحه رايحه تخبين اخوك وانتي من شوي مسويه قدامنا انك حقانيه وبنت حلال .
ساره بحده : وخري عن طريقي تبيني اوقف معكم على اخوي .
ديم: انتي نفاس مابي استذنب فيك والي مابيسويه كايد في اخوك لاتخليني اسويه فيك ياساره.
ساره : وش بتسوين يعني.
خذتها ديم بشعرها وساره نفس الشي تقاوم وتضرب ديم لكن ديم كانت مسيطره بحكم ان ساره توها والده وجسمها لسى تعبان جات ركض نوره الي دفت ديم بقوه وطاحت على يدها وصارت تتألم منها : اااه يدي اااه.
غزل جت توقف ديم : قومي قومي .
و ديم تصيح : يدي ياغزل يدي توجعي.
غزل: مديها اشوف .
صاحت  وهي تحس الالم اضعاف : مقدر مقدر يدي انكسرت .
لفت  غزل لامها الي اختبصت واكثر خوفها من كايد : مدي يدتس اشوف.
بعدت عنها : بعدي عني .
وراحت غرفتها ماسكه يدها وتصيح : والله لا اعلم كايد ياحيوانه.
اما نوره خذت ساره ودخلتها داخل ،، وفيصل مسكته الشرطه.