مرض الحُب

20 ضحية جديدة

..............

جراح: احجيلي الصدك اثااام لاتخبلني احجي الصدك حباب

'يصيح متوسل بآثام الي يحاول يهديه بينما واقفين بنص المستشفى الي ممتلئة بالناس التبجي والدكاترة الي يتراكضون محاولين انقاذ المرضى'

'كعد مصطفى مهدود الحيل رافع راسه للسقف بينما عيونه تنزل جمرها، اجاه علي يهز بي'

علي: احجي لكيته لولا، مصطففففى

'هز مصطفى راسه بالنفي بعدما مسح عيونه بقسوة محاول يضبط نفسه ومايصير ثقل عليهم بحزنه وقلقه'

مصطفى: ماكو عل- علي اخوي ماكو اي ممرض اساله يكلي ماكو،

' مسح علي وجهة بقوة وكط ايده على راسه بقلق'

: اني هم دورت مجاي الكاه، اثااام

'التفت اثام لصوت علي من سمع اسمه، سند جراح وكعده ع المقعد ماسح على راسه وصى كالفن عليه الي كعد يم جراح يكلمه بهدوء ويقلل خوفه ، تقرب اثام لعلي الي ربت على كتفه ونطق'

علي: خليك يمهم، لاتتحرك منا حاليا هم بوضع ميسمحلهم يدورون بسبب خوفهم، راح اني ادور

'دلك اثام صدغه بوجع وهز راسه بأيجاب، ابتعد علي راكض بين الممرات مكمل بحثه، جان كالفن صافن بينما جراح متكئ على كتفه وشارد الذهن'

' رجع لوعيه بعدما سمع تلفونه يرن،
رفعه بصعوبة شاف امه تتصل'

مصطفي بصوت مبحوح: ها يمة..... اهدي يمه لاتبجين فدوة اغديلج بعدنه ندور.... اي تعالو احنه بالطابق الثاني...

' سد الاتصال من امه الي خابرته تبجي وتصرخ. هدلن عيونه بتعب وبدأ التشوش يطغي على سمعه ونضره حتى حس بارتطامه ع الارض، اخر ماسمعه صوت جراح وهو ينادي باسمه'

.

'فتح عيونه بوجع ونضره بدا يرجع، شاف الكل كاعدين يمه وحالتهم حالة، هذا الشعره مبهذل وهذا الملابسه مشكوكه وهذا اليشرب ماي بعطش'

مصطفى: اج-اجاام

' من سمعو صوته الكل التفتله، يشوف امه تجي تحظن راسه وتبجي'

سهى: اخخ يا يمه يا وليدي

مصطفى بتعب: بوية اجام وين

' مسح فاضل وجهة بتعب وكام، تقربله يمسح على راسه يحاول يطمنه بس الاخر ماهتم وكمل كلامه'

مصطفى: جاوبني يبه، اخوي وينه

علي: لكيناه

'دار عيونه المنتفخة لصوت علي الي ابتسمله، نزلت دموعه وبدأ يلهث، اتجهت عيونه لجراح الي متمدد على رجلين خالته يسرة وغافي، تنهد براحه'