دخلت للبيت وصعدت بتجاه غرفتي جي امشي وسمعت صوت ضحك بالممر درت وجهي بصدمه وشفت هند لازم ايد اسد ويتمضحكون ولابسين ابيض ، ضحكت بستهزاء وضليت واكف بمكاني شفتها حجت ويا اسد وهز براسه معنى( اي) واجت بتجاهي تتنعوص بمشيتها
هند: هههههه شفت شلون صرت مرت اخوك
حطيت اديه ورا ظهري وضليت اباوعلها
هند: من اليوم تعاملني مثل متعامل هدى لان صرت مرت اخوك
ضليت ساكت واباوع الها ابرود وابتسامه خفيفه
هند ضربت جتفي وصاحت: مو داحجي وياك
علي صكيت على سنوني وباوعت بعيونها : مره الثانيه ايدج اذا مديتيها ثقي بالله اكسرها الج
رادت تحجي رفعت اصبعها بتهديد ، باوعت الها ابرود ودرت وجهي ودخلت لغرفتي
كعدت على حافة الجربايه ودنكت راسي وضليت صافن واعيد شريط حياتي من قبل وفاة عُدي بيوم لحد هسه ، نفتحت باب غرفتي وامي دخلت واجت كعدت يمي وحضنتني وضلينا ساكتين كل واحد بينا بگلبه جرح ، درت وجهي عليها وكتلها
علي : هند واسد ازوجو؟
دمعت عيونها وكالت بحسره: اي يمه
علي: يمه
ام اسد: ها يبعد امك
مسحت خدها وكتلها: احجيلي يجنة الله شبيج
هنا دموعها نزلت اكثر وضلت تتحسر
علي: يمه شصاير؟
ام اسد: يمه علي , اخوك اسد مو نفسه ابني الاعرفه
علي بستهزاء: هههه جا اذا ام السحوره صارت مرته شتتوقعين يعني
ام اسد: ولك يمه يسكتني لخاطرها ، هانت عليه أمه
علي: متوقع كلشي منه ، بس شصار
ام اسد: جنت بالحديقه كاعده ويا كرم ، لان سوده عليه هداوي تعبت اليوم راحت نظفت لأن البيت هوسه ف اخذت كرم منها وراحت تنظف ، كاعده يم كرم وصار صياح ، كمت فتحت الباب شفت هاي الشلولو امها لهند اصيح وتعيط ولك يمه تعد واصف وتحجي حجي انا شكدني شكبرني استحي اسمعه هيه شلون تحجي ما ادري والله
علي بستهزاء: جا يمه همه شنو كاوليه
ام اسد: أنجب ولك ، شهل اخلاق
علي : كمليلي شصار
ام اسد: يمه هيه شافتني دفعت الحراس واجت عليه ، لزمت بتها وشمرتها عليه ، وضلت اصيح انتو مو كعدتو بالديوان وقبلتو الهديه شكو تردوها هاي هديتكم اجيت احجي دارت وجها وراحت
علي بصدمه: هلاو
ام اسد : اي والله يمه ضليت اعاين مصدومه اجه اخوك اسد ساعتها ، كتل الي صار عاين الهند وكللها راح اجيب الشيخ ، كتله غير بحضور ابوك وعمامك؟ شو يمه هذا ضل يخوزر
أنت تقرأ
ابا تراب نزيف النجف
Mystery / Thriller"عندما يهبط الليل على النجف، تتحول المدينة إلى ساحة للرعب. القاضي علي، الذي لطالما واجه المجرمين في قاعات المحكمة، يجد نفسه هذه المرة مطاردًا في شوارع تغلي بالخوف والدماء. كل جريمة يرتكبها عدو مجهول تقوده إلى ألغاز أشبه بالفخاخ، حيث لا يملك أي خيار...
