هزيم الرعد "أحفاد الجبروت"

هَزيمُ الرَعدِ

﷽

: خَايِف تِفشَل ؟
‏﴿ قُل لَّن يُصِيبَنَآ إِلَّا مَا كَتَبَ ٱللَّهُ لَنَا ﴾.

: خَايِف يَضِيع تَعبَك ؟
‏﴿ أَنِّي لَآ أُضِيعُ عَمَلَ عَٰمِلٖ مِّنكُم مِّن ذَكَرٍ أَوۡ أُنثَىٰۖ ﴾.

--

شَـذْره  ::

-

صفنت بوجها متوتره ومرتبكه
وبعقلي أرجع بقراري... قاطع تفكيري كلامه وهوَ يصيح..

--  احجيييييي

-- اوكف اصبرلي

أحس نفسي متوتره حتى صوتي يرجف غمضت عيوني وسحبت نفس بقوة ونطقت بالموافقه

-- تمام راح احجي

ضل يباوعلي منتظرني احجي بداخلي أكول هذا يريد يجر لساني وبعدين يضحك عليه وكلت لا لا خلي احجي حتى لو جان يريد يضحك عليه ع الأقل أحاول وياه  ..

شَـذْره:: اي عندي علاقة بي

سكت ماحجه شي قلص حواجبه وگال..
_ وتحبينه مو ؟

_ اي

_ تردي؟

_ اي اريده

_اني ادري بيج بدون متكولين بس ردت اتأكد أكثر  ، هاي من شوكت السالفة

_ من اول ماكعدو

_ يعني ما تحملتي بسرعة رحتي رافگتي

دنكت راسي وسكتت محجيت شي
وتندمت لان فكرت أگله أصلاً
ضاغطه علىٰ اسناني بخوف
وتوتر   ،

- علي الأكبر : شوفي راح اكلج شغله

- شَـذْره  : شنو

- علي الأكبر  : اني مراح انطي جواب هسه 15 يوم أفكر واردلج الخبر النهائي بس اذا وافقت اني بعد مالي شغله بيج أبد حدي وياچ ليوم العرس وراها اعوفج للأبد

فكرت وگلت بداخلي اذا كتله اي موافقة يجوز يريد يختبرني ويشوفني اكيف يعوفني لو لا اذا كتله اي راح يجذب عليه ويعاند أكثر  فـ صفنت وتحسرت گتله..

- شَـذْره  : لا بابا اني ماريد هيج اريد برضاتك

- علي الأكبر   : اني ما ارضى لو تنطبق السماذ ؏ الارض

سكتت محجيت شي كمت ردت اروح روحي منتهيه حرفيًّ..

- علي الأكبر   : وين رايحه؟

- شَـذْره  : اروح انام

تركته ورحت تمددت بفراشي صار عندي شويه أمل فـ ضليت ساكته مابجي وداخلي شويه هدء لأن صار عندي أمل بس التفكير موتني أكول شيجيب الـ15 يوم راح يصيرن عليه 15 سنة وضليت أعد الدقايق والثواني ما نمت ضليت أفكر صارت بـ 3 الفجر رحت بغير عالم بين النايمه والكاعده دخت كلش وغفيت ستوني غفيت حسيت واحد يهز بجتفي ما كعدت لأن نعسانه كلش هزني مره ثانيه ماكعدت آخر شي ضربني ع راسي طفرت فتحت عيوني لكيته أبوي خله إصبعه ع حلگه وكال بهمس...