انا احبك مابها زيف وخداع رغم الذي نخفيه والي نخافه

بارت ٣٨

" بالمستشفى "
فحصوها وكان وضع البيبي تمام والنزيف مااثر على الحمل وتم تحويلها  للرياض.
امل: ثنيان ابي ارفع عليها قضيه .
ثنيان بحده :  انتي  والبيبي بخير مافيكم شي وهديل ماكانت تدري انكً حامل بعدين وش جايبك وش جايه تبين انتي داخله بنص بيتهم .
امل: جايه اعزيك بجدك.
ثنيان : تعزيني مكالمه ولا اذا رجعنا الرياض انتي غلطتي وتستاهلين ماجاك.
توسعت عيونها : ثنياااان انت معي ولا معها.
ينطق بحده : انا مع الحق وش جيتي تبين انتي .
امل: ياسلام خل ارفع قضيه ونشوف الحق مع مين .
ثنيان بحده: والله ان رفعتي عليها قضيه انه بطلاقك فاهمه ولالا والحين الاسعاف بياخذك للرياض كلمي احد يستقبلك.
امل بصدمه: من جدك بتخليني .
ثنيان : انا مو فاضي لك وانتي الي جبتيها لنفسك.
وطلع وتركها وامل مقهوره لدرجة انها صاحت.
___
اما عند هديل جات شوق: امل بخير هي والبيبي حولوها للرياض وقفو النزيف والبيبي ماعليه اي خطر.
تنطق براحه : الحمدلله لو صار له شي بعيش طول عمري بحسرتي.
دق جوالها وكان ثنيان  وراحت  له برى: نعم وش تبي جاي تبي تفله ثانيه.
سحبها بيدها يشدها على الجدار : اسمعيني زين والله ان انعادت ياهديل لتندمين .
تفلت بوجهه بكل وساعة عين ،، ثنيان شد على اسنانه بغضب يمسك فكها ويشد عليه هديل كانت تناظره وهو يشد على فكها : لاتخليني اكرهك ثم هالفك الحلو بكسره لك.
ركلته بقوه وبعد وهو يتلوى : انا هديل اخت كايد ماحد يهددني واحمد ربك انها جت مني ياولد لطيفه لانها لو توصل لاخواني كسرو راسك مو فكك الشين ذا .
ثنيان : انا اعلمك ياهديل اعلمك.
تناظره : لما بديت احس تجاهك بمشاعر حلوه انت بيدك دفنتها الحين لو تموت ماتقبلتك وقل لسقله حقتك لو طلعت بوجهي عاد لعنتك انت وياها فاهم ولالا.
ثنيان راح ولفت هديل بتدخل: جدي ومات ماعاد فيكم الي بيمسكني لا اخذ حقي من عيونكم.
دخلت البيت وهي راضيه عن نفسها تمام الرضاء.
____
صار الليل ودخل كايد يدور الثعبان بكل الغرفه ولا لقيه نادى ديم بعد ماتطمن ان الغرفه مافيها شي ابداً جات ديم الي جات تركض تتعلق برقبته لدرجة ان رجولها ماهي واصله الارض : اشتقت لك مررررره.
شالها بخفه يغط خشمه بشعرها : والله ماهو كثري ياديم قلب كايد .
تبتسم: تعال السرير نام ادري انك مرهق وتعبان وهالاسبوع مارتحت.
دخل باللحاف بعد مانزل ثوبه ولبس قميصه: ايوالله  صادقه بس تعالي عندي .
دخلت عنده تحلفو وبدو يسولفون فجاه ديم تحس بحركه برجولها وتبتسم: كوكو لا تلمس رجلي .
يبتسم : كيف لا المس رجلتس.
ديم : حاسه فيك تلمس رجولي باصابع رجولك ياغشاش .
تذكر الثعبان ونط جالس يرفع اللحاف بخوف يشوف الثعبان بين رجول ديم وبدون اي تفكير وكان كل همه ديم مايصير لها شي شال الثعبان يرميه جهة الباب ولكن للاسف انه لدغ كايد بيده لف لديم  الي انهارت صياح اول ماشافته بيد كايد : انتي طيبه انتي سلمتي.
ديم تهز راسها : ايه ايه طيبه مافيني شي.
بلع ريقه يتألم : خليتس بالسرير لاتتحركين قام وجاب شماغه يربط يده بيده اليمين واسنانه ديم هنا انتبهت انه مقروص : لا كايد لا تكفى الثعبان وش سوى فيك.
فتح النور يشوف الثعبان عند الباب وفتح الباب يطلع بهدوء ويجيب عصاء ويقتله وديم تصيح : كايد روح للمستشفى تكفى روح .
كايد الي بدا يعرق ويحس بدوار اتصل بخاله شاهر  وهو يالله يتكلم: خالي  قرصني داب تعال ودني للمستشفى .
جاء شاهر ركض ومعه ثنيان  دخل يشوف ديم الي حضنته اول ماشافته :  كايد ماراح يموت صح .
ثنيان : لا لا ان شاء الله ماراح يموت بس تعالي معي.
اما شاهر اخذ كايد والثعبان وانطلق فيه للمستشفى وهو كان يقاوم بس السم كان قوي عليه : خالي بسرعه جسمي نمل .
شاهر وهو يشوفه بدا يقفل عيونه : كايد خلك معي لاتقفل عيونك خلك معي كايد تسمعني .
كايد كان يحاول يقاوم ويفتح عيونه .