#مُحَـطىٰ_رَؤيتــهُم .
بـقلمي : ايـلان .
لا تنسـون التصويت والتعليـق بين كُـل فَـقرة🩵 .
ـــــــــــــــــــــــــــــــــــــــــــــــــــــــــــــــــ
مَـيادة .
گـام رَيـان بسرعة ضل يباوعلي ويباوع لـ الباب حـاير يروح
ويعوفني لو يبقى !
- روح رَيـان روح
اتقرب بأس ايدي وهمس
- جـايچ بعدين
هزت رأسي وخالتي ماهدأت بس تلطم على رجلها والجهال يبچون
والنسوان يسولفن ، انلاصت ! ، اجت يـاسمين وگفت يمي
تبچي وتمسح بـدموعها
- يـاسمين : اخوي مَـيادة اخوي .
- معليچ والله العظيم يطيب ابو شـوارب مگرطفة ويجي ويباركلنه
اعرفة سبع چا غير هوَ زلمة حـوك واستخبارات وهالله هالله
من اول طيحة تردينة يفطس!
- يعني يطيب؟
- يطيب وآلله يطيب دتعالي مسحي خشمچ ترا مو بَـس انا ام خنينة
حتى أنتِ خنينتچ فيضتنه .
انطيتها كلنكس مسحت خشمها وگعدت يمي تلوب ، اجت امي
لابسة عبايتها ، والنسوان بدن يرحن شوي شوي .
- رجـاء : انا رايحة للمستشفى هاي أمة فحطت تريد تروحلة راح
امشي وياها ، وانتِ صعدي بدلي وارتاحي .
- يـاسمين : خل اروح وياكم عفية والنبي راح اموت
- لا المستشفى كلها زلـم والطريق بعيد ، رَيـان احنا وبالگوة قبل .
- مَـيادة : هسه هوَ شلونة؟
- زين ما متضرر بس اصدقائة متضررين هواي خطية .
- يا عيني الله يشافيهم .
بقت يـاسمين يمي ، صعدت اخذتلي ملابس اريد اطب اخذلي دوش
وهيَ بس تفتر وتتصل.
- يـا يـاسمين شبيچ اهدي مابي شي
- اسكتي مَـيادة حيلي يرجف والله گوة واكفة
دخلت اخذتلي دوش ، طلعت انشف بشعري بدون ما أشد
رحت گعدت يمها ، لـ الليل كلش هـم ماكو ، نزلنا جوا
عساس اكو نسوان يريدن يشوفني ، لگيت هبـة گاعد
تگلب بتلفونها وإصابعها يطگطگن ع التلفون امبينة دتراسل
من شافتني سدت التلفون.
