عقاب بلا ذنب

اهداء ل_ زهراء

بِسمِ اللهِ عَلى فُؤادِي حتَّى يَطمئِن..
                         
                          #عقاب بلا ذنب

                          بقلمي "جيهان"

لا تنسون التصوويت +التعليق بين الفقرات لطفاً+واخيراً متابعه حسابي الانستا 🤍🌹

@j_2nn__6

                       ༺༻ ༺༻
لا اكدر اضمهن
لا افضفضهن
لاميت
ولا خلصان من عدهن
انه جروحي سوالف بيت
ما اكدر اطلعهن

غزاله......

شكد حقير... يعرف بالضبط شلون يقهرني، كلماته مثل السجاجين، تنغرس بكلبي وتظل تجرح، بس الغريب؟ ما تزيد حقدي عليه، تزيد وجعي، تزيد تعبي، تزيد رغبتي بالانتقام...

ضليت ساكته... ما رديت عليه، مو جبن، لا... بس ما أريد تصير مشكله، اليوم بابا راح يجي، واني محتاجه يوكف وياي، إذا ما وكف بصفّي؟ ما راح أگدر أتخلص من هالحقير.

صعدت لغرفتي، وكعدت عالجربايه، عيوني متيبسه بمكان واحد، وأذني ترن، ترن بكلمة وحدة... "خدامة".
الكلمة چانت كف، لا... چانت طعنة، طعنة بكرامتي.

الشي الزين؟ انو ما أشوفه إلا مره أو مرتين بالاسبوع... بس حتى هالمرتين؟ ننهيها بمشكله.

اليوم كله ضليت ، أفتر، أسوي نفسي مشغوله... سويت عشى أني وعمتي، ومبينة الفرحه بعيوني، چنت ما أگدر أكعد من الحماس... كل ما أسمع صوت؟ أركض، أركض أركض مثل الطفله، يمكن هو، يمكن إجا...

سمعت دگة الباب، ضحكت، كلبي طار. بس بلمح البصر..
من شفته... فارس!
، وجهي انكلب، وراحت الضحكة، واني بعدني ما داخله البيت، سحبني من إيدي، وشمرني عالحايط، ظهري انضرب، بس الألم مو من الضربه، الألم من اسلوبه وحقارته...

- شبييييبكككككك؟!

- صوتج لا أكسر سنونچ!

دفعت إيده عني، دخلت للبيت، ما انطيته فرصه يحچي، رحت غسلت وجهي، چنت أريد أمسح وجعي مو دموعي.
طلعت... شفته يصعد الدرج، ما ملتفتلي، ولا حتى عبرني بنظرة... بس اني شفت بعينه كلشي، قهر، ظلم، تحقير.

بصوت عالي، غاضب، يهز البيت:
فارس: غزااااله اصعديييي حضّريلي ملابس، أريد أسبح!

عفته يصيح مثل الخبل، وطبيت للمطبخ أساعد عمتي.
حوّر واكفة يم الباب، تباوع بعينها خايفة، خمس دقايق ما مرّت إلا وصوته رچ البيت رج!

عمتي طلعت من المطبخ، عيونها تمشي ورا الصوت،
أنا ضليت أغسل المواعين، ما رفعت راسي، أدري ليش يصيح، أدري شيريد.