وبعد ماسمعو الشباب اصوات الانذار واطلاق النار والصياج والركض
طلعو حتة يعرفون اشصاير
اول واحد كعد كرار
لان كرار نومة خفيف كلش
اول ماكعد كرار كام وشغل الظوة وكاللهم
كرار / شباب اكعدو مدري اشصاير اسمعو شنو هاي الاصوات
مهند اول ماكعد نكز من السرير الثاني
مهند/ شكو شكو ياستار
عباس / الله يستر مدري اشصاير
الشباب كلهة كعدت ومصدومين من الاصوات مال الرمي والانذار
كرار / شباب خل نطلع انشوف شكو مايصير انظل اهنا
وطلعو الشباب وشافو العساكر شي تركض هيج وشي تركض هيج
لزمو واحد سالو
كرار/ رحمه لهلك احجيلنة شنو صاير
العسكري / صار هجوم علينة مانعرف امنين انتم جدد مو
كرار/ اي جدد
العسكري / ذيج غرفة العقيد روحولهة وشوف شيكللكم
وعافهم وركض
اهنا الشباب راحو ركض الغرفة العقيد
دكو الباب ونوب فتحو ودخلو كبل
لكو العقيد يلبس بلدرع مالتة وسلاحة امحظرة ويمة الملازم عماد
كرار/ العفو سيدي شنو صاير
العقيد / مثل متشوفون هجوم روحو وية الملازم عماد خل ايطلعكم البر الامان
كرار/سيدي احنة ماننهزم وننطي ظهرنة للعدو
العقيد/ منو كلكم تنهزمون بس انتم بعدكم غير مهيأين للمواجهة
كرار/ العفو منك سيدي احنة ابأتم الاستعداد مستحيل اندير ظهرنة الكم
العقيد/ هاي مسالت حيات او موت يعني تتحملون المسؤلية انتم مو اني
الشباب/ سيدي مثل ماكال كرار بس سلمونة سلاح واحنة نتحمل المسؤلية اليوكع يستشهد مو ايموت
العقيد/ كفو والله همة هذولة ولدي
بعدين اشر العقيد للملازم ولملازم فتح جهاز الاسلكي وانطة امر ان ينهو المشهد
وفجأتآ اتوقفت الاصوات
الشباب ظل واحد ايباوع لثاني شنو صار
نزع الدرع مالتة العقيد وكعد ورة المكتب
العقيد / شباب هذة كل الصار مجرد اختبار الكم ردنة انشوف شنو ردت فعلكم وانتم اثبتو جدارتكم
كرار/ سيدي يعني الانذار وصوت اطلاق النار والعسامر الي تركض حتة اتواجه هذة كل مجرد تمثيل
العقيد/ بلي احنة كل وجبة تجينة جديدة انسويلهة هذة الاختبار لازم نختبر الشجاعة وعدم الخوف
أنت تقرأ
الظابط واليتيمة
Romanceقصة حقيقية وواقعية // بلشت من سنة 2020 ولازالت مستمرة// ماكتبت شي من داخلي غير الي حدث //
