#مُحَـطىٰ_رَؤيتــهُم .
بـقلمي : ايـلان .
لا تنسـون التصويت والتعليـق بين كُـل فَـقرة🩵 .
ـــــــــــــــــــــــــــــــــــــــــــــــــــــــــــــــــ
˼ مَـيادة ˹
گمت مـن مُكـاني وانا بقمة استغرابي خايفة! خايفة لا يجبرني
- جَـدي لا مُسـتحيل آخذة لا انا رايدتة ولا هوَ !!
- تعانديني يـَ جدي ؟
- بَس انا موافقة اتزوج رَيـان
انعقدت ملامحة بغضـب فجأة انفتح الباب ودخلت امي تنظـر بيناتنا .
- رجـاء : يـابة ، انا انطيت الموافقـة لـ ازهار، هسه ! زحمة انخابرهم
وانگللهم البنيـة رافضة هم عيب علينة و علـيك .
اشتدت ملامحَـة زايد وأأشـر بأيدة بـ عصبية
- اطلعنن برااا سافلاات
طلعنا بـسرعة وباوعت الامي
- صدك خابرتيهم ؟ يمة فشلة قبل شوي طلعوا
- لا يمعودة چذب قابل هيج مستعجلين بس نسكتة ولو ادري مستحيل يسكت.
هزت رأسي بـ تمام ، اتلگتني زُمـرد ،
- يلا تعـالي سولفيلي شبيها دانيـة؟
- بَـس أنتِ هم تسولفيلي؟
- شسولفلچ ماعندي سالفة
- معليچ هسة تطلع السالفة.
گعدنا على جهة كـفت ارداناتها ولزمت أيدي ،
- بـاعي بـ سنة..
- هسة شعلية بـ التاريخ ادخلي بـ الزبدة
- انچبي خل امسلت ، دانيـة چانت تحب واحد سنـة 2018 ،
بـعد سنوات من حُبهم اتقـدملها سـنة 2022 بس جَـدي ما وافق
رجع اتقدم للمرة الثانية والثالثة هم يرفض لحد ما جاب
ناس گـبارية كلش وصارت فشلة من جَـدي يرفض ، فـ وافق
بس مـا سِلمت من الحچي والگرايب
- اوف يالگرايب اوف
- اي والله ، اتزوجوا فـ چان يحـبها فرد نوب واهلة من يشـوفوا هيچ يتخبلون
ودائمًا يـتنمرون على شكلها لحد مابزعت من نفسها ، وعبالچ
انتهوا منها ؟ سووا مشاكل وختمـوها بـ سحر دمرهم دمار
- الله واكبر عليهم ليش يأذوها بلا سبب
- صاروا واحد ميحب الثاني واتطلگوا وهيچ لـحد هذهِ السنة
هيَ صارت عديمة الثـقة ، متحب شـكلها والكل نابذها
خصيصًا الاطفال يخافون منهـا لان مرات تجيها حالات
او نوبـات صراخ ، وهم جَـدي يكرها يموت منها يگللها هذا
اختيارچ أنتِ ردتي تتزوجينة ، ماعندة مال عيالها هم السبب
وهيچ ، يطلع السـبب بـ الفريسة بذاتها .
