انتقام انثى

|part|1

ضحكت حتى تخفي حزنها اتبعت خطوة
الاتصال البصري
حتى اگدر احلل ردات فعلها كذبها من
صدقها
_ صح ضربني بس اعتذر .
_ عوفي خلينا نروح .
حجيتها واني متعمدة اسمع الي واكف
خلفي يتسمع على كلامنا .

بمجرد ما كملت كلامي رحت اتقرب اكثر
واكثر منها
اتلمس مكان خدها أومأت براسي واني
اتحرك اريد ارجع للغرفة
سحبني من ايدي طوق وجهي بيده
وهمس
صافي : حلوة ماردت اضرب امج والله يا
بابا
بس تترادد ويايَّ ما تحملت ضربتها .
حلوة: امي خط احمر بلغ مرتك .

صافي : غصباً ما عليها تعتبرها خط أحمر
يا بابا بس المفروض الاحترام متبادل
بيناتهن .
أومأت براسي وتركتهم توجهت على
غرفتي دخلت بيها وانا اتلمس جهة گلبي ذبيت
نفس
وتمددت بفراشي صفنت بالفراغ بياض
ببياض
الى ان صار الصبح وبانت خيوطه اخذت
حمام بمجرد ما طلعت تحركت بفضول
بمجرد ما سمعت اسمه
اندفع الباب دخلت لمار ركضت على الشباك
حتى اشوفه ضحكت
وهي تنزع عبايتها من أكتافها
لمار : راح ما موجود مستحيل يخليج
تشوفي
بس هوَّ هم مستعجل لأن اخذها وطلعو
يغيرون جو .
حلوة: يعني نزل من سيارته .
_ لا ابد بس نزلت تحرك وراح .

قبضت ايدي وگعدت وجسمي من الغضب
يرجف
_ صار خمسه وعشرين يوم يفتعل أشكال
حتى
يتجنب اشوفه يريد اتخبل والله والله هوه
يريد اتخبل عليهم
لمار : حلوة حبيبتي حبابة اسمعيني شنو
ناقصج فهميني جمال وشهادة
وسمعة اهلج تخبل بيت وراحة
واهلج
حتى لو تطلبين روحهم ينطوها فداج .
_ مو بعيني اني اريده هوَّ وبس .
لمار : سمعيني بس سمعيني يا عيوني يا
حلوة .

تقربت مني رجعت شعري واخذتني
مقابيل المرآيا
لمار : كم شخص صرتي رافضة الزواج
منه لليوم

ضيعتي فرص ذهبية ما تتفوت من ايدج
كلها
عالم واصله يجون على سمعت ابوج .
اريد ابتعد رجعت ثبتتني ورفعت وجهي
حتى اشوف نفسي
بعدج صغيرة " ابو الحسن " اكبر منج
ب15 سنه
ومتزوج وعدهم طفلين وهو يحبهااا
والكل يعرف يعشقها
ومن المستحيل يلتفت بيوم الغيرها
وخاصةّ انت يكرهج
يكره طار اسمج يتكهرب من يشوفج ولو
بيده يمحي وجودج .