#مُحَـطىٰ_رَؤيتــهُم .
بـقلمي : ايـلان .
لا تنسـون التصويت والتعليـق بين كُـل فَـقرة🩵 .
ـــــــــــــــــــــــــــــــــــــــــــــــــــــــــــــــــ
˼مَـيادة ˹
- جـايب السَلف كُلة لعيـون ام كفشـة .
- رَيـان؟
- روحة ودنيتة انتِ
- شتسوي هنا ؟!
- اسوي كُل خير ، طبي جوا لحد يشوفچ بسرعة الممر كلة زلم.
ابتعد وسديت الباب ، بسرعة دخلت امي تباوعلي .
- اجوچ خـطابة مَـيادة!
سويت روحي ما ادري وباوعتلها بـتأني.
- ها ؟ صدك؟ منو؟
- ابـن ازهـار !
- ياهوَ منهم
- ابوي ، غير رَيـان
- اي وانا شمعرفني عبالي محمد .
- هسة دروحي بدلي وعدلي كفشتچ عماتة جايات يردن يشوفنچ هم
هزت رأسي بـ أيجابية ، هااا شنو؟ شو انا مقتنعة؟ ، بدلت ملابسي
لبستلي ثوب بسيط وعفت شعري مفتوح بس شادتة بـ ربطة من النُص
دخلت وحدة من بـنات خالي ، ابتسمت بوجهي
- عروستـنة الكتكوتة ، امچ دزتني ارتبچ
- ماعندي شي حياتي كملت
- بَـس هيچ؟
- لعد!
اخذتني من ايـدي لـ غرفتها ، طلعت مسكارة رادت تخلي على رموشي
- لا لتخليلي هنّ رموشي طوال من گاعهن الطبيعيات احلى حتى هو يحبهم هيج
- يا عزا منو
- شسمة شسمة
- شسمة؟
- والله ماعرف شسمة يعني ماگالي هوَ اصلاً ما ادري شسمة انوب يگلي هيج!
