السلام عليكم
.........
جانت تسوي كيكة بعدما خابرهة مصطفى وكللها كلشي مخليها بالها يرتاح، اثام متعالج ومتغير، وجراح هو الي متقبله ورايده، وادم تركه جراح يمهم، كل هاي الاخبار حلوه بالنسبة الها لان محد متأذي بس لازالت عندهة كره لآثام، خلصت وطلعتها شوي ودگ تلفونها،
امنية: الوو
كامي: امنية نحن في ورطة
حست امنية گلبها ينبض بخوف
امنية: ماذا حدث.. تكملي،اين دان
كامي: اسمعي تشاجرنا مع والدينا لاننا نريد ان نأتي لكم ونراكم لكنهم لم يقبلوا لذلك...
امنية: لذلك ماذا انطقي
كامي: احمم اجبرناهم ان يقبلوا بحجة اننا سنعود لهم بعد شهرين ولذلك... اتينا دون ان نقول لكِ ونحن الان....
خافت امنية عليهن ونطقت وهي تركض لغرفتها تلبس حجابها
امنية: تكلمي بسرعة اين انتييي
سمعت صوت دان من التلفون تبجي
دان: امنية ارجوك تعالي لنا انا خائفة لا اعرف اي احد هنا
امنية: اهدئي عزيزتي سأتي الان صفي لي المكان وابقي هناك
كامي: لازلنا في المطار لكن لا نعلم اين نرحل
امنية: غبياااات ابقين هناك
كالتها وسدت الموبايل ركضت لغرفة مصطفى بس ماجان موجود نست هو راح لشقة جراح اخذ التلفون واتصلت
امنية: مصطفى وينك حباب تعال بسرعه
مصطفى: شكو شبيج خوفتيني
امنية: كامي ودان جايات للعراق وباقيات بالمطار من فترة طويلة لازم نجيبهن
نبض گلب مصطفى بفرحة وبنفس الوقت بخوف
:جايج
كالها وسد الاتصال مخلي امنية تخبر اهلها وتطلع توكف بالباب منتضرة ربع ساعه وشافت سيارته من بعيد ركضت صعدت يمه وكملوا طريقهم للمطار
امنية: خايفه كلش عليهن المكان مو امن الهن وخاصه هن اجنبيات ميعرفن شي
مصطفى بقلق: اسكتي للتزيدينها عليه وبعدين ليش هسه يخابرنج مو علساس واصلات من قبل ٣ ساعات
امنية: اي هنه عوبات علساس يردن يسونها مفاجأة بس نسن ميندلن بيتنا
عض مصطفى شفته واستمر بالسياقة ، ساعة ووصلوا نزلت امنية تركض بهدوء تدور ومصطفى وياهة رفع مصطفى تلفونه مخابر
مصطفى: اين انتي دان تكلمي
دان : مم.. مصطفى
مصطفى: اللعنة انطقي هيا
